SKAZZ-მა და ზურა ჯიშკარიანმა (DillaNext) ერთობლივი მუსიკალური ნამუშევარი წარადგინეს. Sarke – ასე ჰქვია კოლაბორაციულ ტრეკს, რომელიც კლიპთან ერთად გავრცელდა. მუსიკალური ვიდეოს რეჟისორი ლევან ჯიბუტია.
SKAZZ ქუთაისში ჩამოყალიბებული ქართული პოსტ-პანკ ბენდია. ჯგუფი 2021 წელს დაარსდა და მის შემადგენლობაში არიან საბა ვაშაყმაძე (ვოკალი, ბასი) და ნოდო კუპრავა (ვოკალი, გიტარა).
ზურა ჯიშკარიანი არის მწერალი, მუსიკოსი და მულტიმედიური არტისტი, რომელიც მუსიკალურ სცენაზე ასევე ცნობილია ფსევდონიმით DillaNext. ქართველი მსმენელისათვის ის არაერთი პროექტიდან არის ცნობილი, მათ შორის არის Kung-Fu Junkie, რომელიც 2007 წელს ჩამოყალიბდა და ათი წლის განმავლობაში ქმნიდა ჟღერადობას, სადაც პანკი, ელექტრონული მუსიკა და ექსპერიმენტული პოეზია ერთმანეთს ერწყმოდა.
