28 ივნისს ინსტაგრამზე Drake-მა სარკის წინ გადაღებული სელფი გამოაქვეყნა, სადაც მისი გამოკვეთილი პრესი ჩანს.
„ფხიზლად ვარ იმ ღამეებისთვის, რომლებიც განასხვავებენ მათ, ვინც საქმეს ბოლომდე აკეთებს, იმათგან ვინც ამას უბრალოდ, ფორმალურად აკეთებს.”- დაწერა რეპერმა ფოტოს აღწერაში.
Drake-ის ამ პოსტს ინტერნეტში დიდი გამოხმაურება მოჰყვა, ზოგმა გამოკვეთილი პრესის ფორმა დააფასა, ზოგმა კი ის კოსმეტიკური ჩარევის შედეგად მიიჩნია.
Drake-ისთვის კვირის ბოლო საკმაოდ დატვირთული აღმოჩნდა, მანამდე არტისტმა კიდევ ერთი პოსტი გამოაქვეყნა, სადაც ბარში, კედელზე ავტოგრაფი დატოვა და Iceman-ზე მიანიშნა. ბევრის აზრით, ეს რეპერის მომავალი სოლო ალბომის სახელწოდებაა. “Iceman. Snow Owl Ranch,“ – წერდა Drake.
გულშემატკივრები განიხილავენ იმასაც, რომ შესაძლოა, Drake-სა და ნიკი მინაჟს რაღაც ახალი ჰქონდეთ ჩაფიქრებული. 29 ივნისს რეპერმა ინსტაგრამ სთორიში ნიკი მინაჟის ძველი ფოტო გამოაქვეყნა.
რაც შეეხება აზარტულ თამაშებს, Drake-მა გასულ კვირას 200 000 დოლარი წააგო UFC-ს ორთაბრძოლაზე დადებული ფსონით, სადაც ჩარლზ ოლივეირა ილია თოფურიას დაუპირისპირდა. თოფურიამ მოწინააღმდეგე პირველივე რაუნდში ნოკაუტში ჩააგდო. UFC 317-ის მსუბუქ წონაში ტიტულისთვის ბრძოლა 28 ივნისს გაიმართა.
Drake ბრიტანეთში 11-13 ივლისს მიემგზავრება, სადაც ფესტივალ Wireless-ის სამივე საღამოს მთავარი გამომსვლელია. ფესტივალი წელს 20 წლის იუბილეს აღნიშნავს.
