მიკი 26 წლის ამომავალი ფრანგ-კორეელი სენსაციაა, რომელიც ფრანგულ მუსიკალურ სცენაზე დიდ ვნებათაღელვას ქმნის. ელექტრონული მუსიკის ემოციურ ტექსტებთან შერწყმით, მისმა უნიკალურმა სტილმა მომღერალს „სპოტიფაიზე” 270000 ყოველთვიური მსმენელი მოუტანა.
პირველი EP 2025 წლის მარტში გამოსცა, სახელწოდებით Graou – შვიდსიმღერიანი ჩანაწერი, რომლის პროდიუსერიც ტრისტან სალვატია (ცნობილი მისი თანამშრომლობით ბელგიელ ვარსკვლავ Angèle-თან). მისი სენსაციური სინგლი Échec et mat „ტიკტოკის” ჰიტი გახდა და 2.6 მილიონ ნახვამდე ავიდა.
მიკი ფრანგულ და ინგლისურ ენებზე მღერის. 2024 წელს მან ითანამშრომლა ბრიტანელ ჯგუფთან Metronomy. ისეთი არტისტებით შთაგონებული, როგორებიც არიან ვლადიმირ კოსმა და რუიჩი საკამოტო, მიკი კლუბურ რიტმსა და ემოციურ სიღრმეს აერთიანებს შემოქმედებაში, რომელსაც თავად აღწერს, როგორც „კლუბური მუსიკა, რომელიც აგატირებს.”
