2025 წლის Emmy Awards-ის გამარჯვებულები ცნობილია

Adolescence-მა ექვსი ჯილდო მოიგო. The Late Show With Stephen Colbert-მა კი საუკეთესო თოქ-შოუს კატეგორიაში გაიმარჯვა.
Emmy Awards 2025
Getty Images

14 სექტემბერს კალიფორნიაში 2025 წლის Emmy Awards გაიმართა, სადაც Adolescence, The Studio, The Pitt და The Late Show With Stephen Colbert მთავარი გამარჯვებულები გახდნენ.

Adolescence-მა ექვსი ჯილდო მოიგო, მათ შორის საუკეთესო ლიმიტირებული ან ანთოლოგიური სერიალის კატეგორიაში. ოუენ კუპერი გახდა ყველაზე ახალგაზრდა მამაკაცი გამარჯვებულ მსახიობთა კატეგორიაში, როცა საუკეთესო მეორეხარისხოვანი მსახიობის ჯილდო მოიპოვა. ლიმიტირებული სერიალის საუკეთესო მსახიობის ჯილდო მოიპოვა Adolescence-ის აღმასრულებელმა პროდიუსერმა, სცენარისტმა, მთავარმა მსახიობმა სტივენ გრეჰემმა, ხოლო ერინ დოჰერტიმ სერიალისათვის მეორეხარისხოვანი მსახიობის ჯილდო მოიგო. ლიმიტირებული სერიალის საუკეთესო რეჟისურის ჯილდო მიიღო ფილიპ ბარანტინიმ, ხოლო გრეჰემმა ჯეკ ტორნთან ერთად მესამე Emmy აიღო საუკეთესო სცენარისთვის.

სეთ როჯენმა ოთხი Emmy მოიგო სერიალ The Studio-სთვის, მათ შორის საუკეთესო კომედიური სერიალისა და საუკეთესო მსახიობის კატეგორიებში. მან ასევე გაიმარჯვა საუკეთესო რეჟისურის ნომინაციაში ევან გოლდბერგთან ერთად და სცენარის ავტორობის ჯილდო გაიზიარა გოლდბერგთან, პიტერ ჰუიკთან, ალექს გრეგორიუისთან და ფრიდა პერესთან. 

The Pitt-მა სამი Emmy მოიგო, მათ შორის საუკეთესო დრამატული სერიალის ჯილდო. მთავარი როლის შემსრულებელმა ნოა ვაილმა საუკეთესო მსახიობის ჯილდო მიიღო დრამატულ სერიალში.  

მოულოდნელ გამარჯვებად იქცა ჯეფ ჰილერის წარმატება: მან საუკეთესო მეორეხარისხოვანი მსახიობის Emmy მოიგო კომედიური სერიალისათვის – Somebody Somewhere. ამავე კატეგორიაში იყო ნომინირებული ჰარისონ ფორდიც. 

The Late Show With Stephen Colbert-მა საუკეთესო თოქ-შოუს კატეგორიაში გაიმარჯვა. ამ ჯილდოს მიღებამდე სულ ორი თვის წინ CBS-მა შოუს დახურვის შესახებ განაცხადა. კოლბერტმა და მისმა გუნდმა სცენაზე გამოსვლისას ოვაციები მიიღეს, აუდიტორიის ნაწილი კი წამყვანის სახელს სკანდირებდა. 

ტრამელ ტილმანმა გაიმარჯვა, როგორც პირველმა შავკანიანმა მამაკაცმა, რომელმაც მოიპოვა საუკეთესო მეორეხარისხოვანი მსახიობის ჯილდო დრამატულ სერიალში, პროექტისთვის Severance. მისმა პარტნიორმა ბრიტ ლოუერმა საუკეთესო მსახიობის ჯილდო მიიღო დრამატულ სერიალში.

ჟან სმარტმა გაიმარჯვა საუკეთესო მსახიობის კატეგორიაში კომედიური სერიალისთვის – Hacks. მისმა შემოქმედებითმა პარტნიორმა ჰანა აინბაინდერმა კი მიიღო მეორეხარისხოვანი მსახიობის ჯილდო კომედიური სერიალისათვის.

The Penguin-ის კრისტინ მილიოტიმ საუკეთესო მსახიობის Emmy მოიგო ლიმიტირებულ ან ანთოლოგიურ სერიალში ან ფილმში. The Traitors საუკეთესო რეალითი კონკურსის შოუდ დასახელდა. 

77-ე Emmy Awards, რომელსაც ნეიტ ბარგეიცი უძღვებოდა, CBS-ის ეთერით გადაიცემოდა. შოუს ნახვა ასევე შესაძლებელი იყო პირდაპირი ტრანსლაციით და სტრიმინგით Paramount+-ზე.

გახმაურებულ სტუმრებს შორის, რომლებიც წამყვანებად გამოვიდნენ, იყვნენ სტივენ კოლბერტი, ჯეფ პრობსტი და სიდნი სუინი. ასევე სცენაზე გამოჩნდნენ: Gilmore Girls-ის მსახიობები ლორენ გრეჰემი და ალექსის ბლედელი. ასევე Wednesday-ს ვარსკვლავები – ჯენა ორტეგა და კეტრინ ზეტა-ჯონსი. 

იხილეთ გამარჯვებულები:

საუკეთესო დრამატული სერიალი:

Andor

The Diplomat

The Last of Us

Paradise

The Pitt (გამარჯვებული)

Severance

Slow Horses

The White Lotus

საუკეთესო კომედიური სერიალი;

Abbott Elementary

The Bear

Hacks

Nobody Wants This

Only Murders in the Building

Shrinking

The Studio (გამარჯვებული)

What We Do in the Shadows

საუკეთესო ლიმიტირებული ან ანთოლოგიური სერიალი: 

Adolescence (გამარჯვებული)
Black Mirror
Dying for Sex
Monsters: The Lyle and Erik Menendez Story
The Penguin

საუკეთესო თოქ-შოუ:

The Daily Show
Jimmy Kimmel Live!
The Late Show With Stephen Colbert (გამარჯვებული)

იხილეთ სრული სია.


Share
Tweet
Share
Share
Share

Leave a Reply

წინა სტატია

წინანდლის ფესტივალი 14 სექტემბერს დაიხურება – გაეცანით ფინალური საფესტივალო დღის პროგრამას

შემდეგი სტატია

The Late Show With Stephen Colbert-მა Emmy-ზე გამარჯვების შემდეგ აუდიტორიის ხმამაღალი ოვაციები დაიმსახურა

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი