A$AP Rocky და რიანა ორი ვაჟის მშობლები არიან. ახლა კი, როცა წყვილი მესამე შვილს ელოდება, ვარსკვლავურ ოჯახს გოგოს დაბადების იმედი აქვს.
ახლახან რეპერი Elle-ის ყდაზე გამოჩნდა, სადაც გულწრფელად საუბრობს, რომ მას და რიანას გოგოს ყოლა სურთ. „ვიმედოვნებ, რომ გოგოა. ვლოცულობთ გოგოსთვის,” – უთხრა როკიმ გამოცემას.
„ვგრძნობ, რომ გოგო უნდა იყოს. ეს ორსულობა ძალიან განსხვავდება წინა ორისგან. ამის თქმა გამოცდილებით შეგიძლია. იმედი მაქვს, გოგოა. ეს უბრალოდ მჭირდება.”
რიანა და როკი უკვე არიან ორი ვაჟის, RZA-სა და რაიოის მშობლები. სუპერვარსკვლავმა კიდევ ერთი ორსულობის შესახებ საზოგადოებას 2025 წლის მეტ გალაზე ამცნო.
ვარსკვლავური წყვილი 2019 წლიდან ერთადაა, თუმცა ისინი ოფიციალურ ქორწინებაში არ იმყოფებიან, ყოველ შემთხვევაში, როგორც საზოგადოებისთვისაა ცნობილი. „საიდან იცით, რომ უკვე ქმარი არ ვარ?” – ამბობს როკი ახალ ინტერვიუში. „ამას ჯერ კიდევ არ დავადასტურებ.”
ამჟამად ორივე არტისტი თავიანთი პროექტებითაა დაკავებული – რიანა Fenty-ს იმპერიით, ხოლო როკი მოდისა და სამსახიობო კარიერით. მისი ბოლო საეკრანო პროექტი მოლი ბრონშტეინის If I Had Legs I’d Kick You იყო.
თუმცა, რეპერის თქმით, მისთვის და რიანასთვის ოჯახი ყველაზე მნიშვნელოვანი ფოკუსია. „ბევრს არ ვსაუბრობთ საქმეზე, რადგან მთელი დღე ამას ვაკეთებთ. ხოლო როცა სახლში მიდიხარ, იქ ყველაფერი ოჯახს ეხება, ურთიერთობებს, სახლს, სხვა არაფერს.”
„ვცდილობთ, საქმეები გავმიჯნოთ,” – ამბობს როკი. „ის აკეთებს იმას, რასაც აკეთებს და მეც ვაკეთებ იმას, რასაც ვაკეთებ. მაგრამ როცა ერთმანეთთან ვთანამშრომლობთ, ეს სახალისოა, რადგან მასთან ერთად შემიძლია კრეატიული ვიყო. ის ძალიან მენდობა.”
ნახეთ როკის ინტერვიუ Elle-ის ყდაზე:
