შონ კომბსის დედა „ნეტფლიქსის” დოკუმენტურ სერიალს სიცრუეში ადანაშაულებს

ფილმის Sean Combs: The Reckoning პრემიერა 2 დეკემბერს შედგა. მისი პროდიუსერია 50 Cent.
Diddy დედასთან, ჯენის კომბსთან ერთად
Jason Kempin/Getty Images for MTV

შონ კომბსის დედა ჯენის კომბსი „ნეტფლიქსის” დოკუმენტურ სერიალში Sean Combs: The Reckoning ასახულ ფაქტებს აპროტესტებს და ფილმს „განზრახ შეცდომაში შემყვანსა” და „შეურაცხმყოფელს” უწოდებს. 

გავრცელებულ განცხადებაში ჯენისი ამბობს, რომ პროდუქტი შეიცავს ცრუ ინფორმაციას მის მიერ რეპერის აღზრდისა და მათი ურთიერთობების შესახებ. 

„ამ განცხადებას ვწერ, რათა შევასწორო ის ტყუილები, რომლებიც ‘ნეტფლიქსის’ Sean Combs: The Reckoning-შია წარმოდგენილი,” – ამბობს კომბსი.  „უზუსტობები, რომლებიც ჩემი ვაჟის, შონის აღზრდასა და ჩვენს ოჯახურ ცხოვრებას ეხება, განზრახ არის დაშვებული, რათა მაყურებელი შეცდომაში შეიყვანონ და კიდევ მეტად ავნონ ჩვენს რეპუტაციას.”

იმ ბრალდებებს შორის, რომლებსაც ჯენისი აპროტესტებს, არის მომენტი, როცა Bad Boy Records-ის ყოფილი ხელმძღვანელი კირკ ბაროუზი ფილმში ამტკიცებს, რომ კომბსმა დედას სილა გააწნა City College-ის 1991 წლის ტრაგიკული ინციდენტის შემდეგ, რომელსაც ცხრა ადამიანის სიცოცხლე ემსხვერპლა. ჯენისი ამ ბრალდებას სიცრუესა და აღმაშფოთებელს უწოდებს. 

„ეს ძალიან სამწუხარო დღე იყო ყველა ჩვენგანისთვის,” – ამბობს ჯენისი. „ბაროუზისგან ამ ტრაგედიის გამოყენება და მასში ყალბი ნარატივის ჩართვა იმ მიზნით, რომ გადაფაროს თავისი უწინდელი წარუმატებლობა და ამჟამინდელი მცდელობა, მოიპოვოს ის, რაც არასდროს ეკუთვნოდა – Bad Boy Records – არასწორია.”

ჯენის კომბსი ასევე გამოეხმაურა სერიალში მისი მშობლობის წარმოჩენას და უარყო ძალადობის ბრალდება. „ფილმში მე წარმოჩენილი ვარ, როგორც მოძალადე მშობელი. ეს არ არის სიმართლე. მე შონი სიყვარულითა და შრომით გავზარდე და არა ძალადობით… შონი ყოველთვის შრომისმოყვარე, მიზანდასახული იყო და არასდროს სჯერდებოდა მიღწეულს.”

Sean Combs: The Reckoning-ის პრემიერა 2 დეკემბერს „ნეტფლიქსზე” შედგა. ფილმის პროდიუსერი 50 Cent-ია. 

ოთხნაწილიანი დოკუმენტური სერიალი ასახავს რეპერის აღზევებასა და დაცემას, რომელსაც პროსტიტუციის ხელშეწყობისთვის ოქტომბერში ოთხწლიანი პატიმრობა მიესაჯა.

საპასუხო განცხადება გაავრცელა „ნეტფლიქსმაც”, რომელმაც საკუთარი პროდუქტი დაიცვა: „ეს არც დისკრედიტაციის მცდელობაა და არც შურისძიება. კერტის ჯექსონი აღმასრულებელი პროდიუსერია, მაგრამ ის არ ფლობს შემოქმედებით კონტროლს. არავის მიუღია თანხა მონაწილეობის სანაცვლოდ.”

ჯენის კომბსი კი თავის განცხადებას პასუხისმგებლობის აღების მოთხოვნით ასრულებს: „მოვითხოვ, რომ საჯაროდ მოხდეს აღნიშნული სიმახინჯეების, სიცრუისა და შეცდომაში შემყვანი განცხადებების უარყოფა.”

Share
Tweet
Share
Share
Share

Leave a Reply

წინა სტატია

Lil Baby 2025 წლის 13 მაისი ნიუ იორკი DOMINIK BINDL/THE HOLLYWOOD REPORTER

კვირის ახალი მუსიკალური რელიზები

შემდეგი სტატია

დოლი პარტონი და მაილი საირუსი გრემის ყოველწლიურ 61-ე დაჯილდოებაზე, 2019 წლის 10 თებერვალი, ლოს-ანჯელესი. ფოტო: კევინ უინტერი / Getty Images The Recording Academy

მაილი საირუსი ნათლიის, დოლი პარტონის ჯანმრთელობის მდგომარეობაზე საუბრობს

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი