ამ კვირაში მუსიკალურ სტრიმინგ პლატფორმებზე ბევრი ახალი ნამუშევარი გამოქვეყნდა. ერთ-ერთმა ყველაზე ცნობილმა რეპერმა Lil Baby-მ ახალი მიქსთეიფი The Leaks გამოუშვა, მასზე ასევე მუშაობდნენ Playboi Carti, Lil Yachty, Young Thug, G Herbo და სხვები. პროექტი Lil Baby-ს 31-ე დაბადების დღეზე გამოვიდა და მასში რჩეულ კომპოზიციებთან ერთად აქამდე გამოუქვეყნებელი ტრეკიც შედის.
კვირის განმავლობაში ახალი ნამუშევრით დაბრუნდა Luke Combs-იც, სახელწოდებით Giving Her Away, თუმცა ეს ამ კვირის ერთადერთი სინგლი არაა, ახალი ნამუშევარი ასევე გამოაქვეყნა GloRilla-მ, სახელწოდებით – March. 2025 წელს აღმოჩენილმა ვარსკვლავებმა Alex Warren-მა და Gigi Perez-მა კი დუეტი შექმნეს სიმღერაზე Eternity.
გარდა ამისა, Disclosure-მა ითანამშრომლა Leon Thomas-თან კოლაბორაციისთვის – Deeper. ამ უკანასკნელმა კი მომავალი წლის გრემის ექვსი ნომინაცია მოიპოვა.
რაც შეეხება ამ კვირაში გამოსულ ახალ ალბომებს: Lil Baby-ს მიქსთეიფის პარალელურად ასევე გამოვიდა Zac Brown Band-ის მერვე სტუდიური ალბომი Love & Fear, Ozuna-სა და Beéle-ს ერთობლივი პროექტი Stendhal და Dove Ellis-ის Blizzard.
