პოპვარსკვლავმა ნათლიის, დოლი პარტონის ჯანმრთელობის მდგომარეობაზე Avatar: Fire and Ash-ის პრემიერაზე, ლოს-ანჯელესში, 1 დეკემბერს ისაუბრა.
„ის ყოველთვის გააგრძელებს შოუს და ეს შოუ უნდა გაგრძელდეს კიდეც. მოუთმენლად ელოდება, როდის დაუბრუნდება სამუშაო გარემოს.“ – უთხრა მაილი საირუსმა Entertainment Tonight-ს დოლი პარტონის შესახებ.
სექტემბრის ბოლოს, 79 წლის ქანთრი-მუსიკის ლეგენდამ დოლი პარტონმა ჯანმრთელობის მდგომარეობის გართულების გამო ლას-ვეგასში, Colosseum at Caesars Palace-ში გასამართი საკონცერტო რეზიდენცია გადადო. კონცერტების სერია 2025 წლის დეკემბერში უნდა დაწყებულიყო, ახლა კი 2026 წელს არის დაგეგმილი.
მას შემდეგ, რაც ინტერნეტში დოლი პარტონის ჯანმრთელობის შესახებ ჭორები გავრცელდა, მომღერალმა ამ საკითხზე საჯაროდ ისაუბრა.
„ვფიქრობ, ღმერთს ჯერ ჩემთან საქმე არ დაუსრულებია და მეც არ დამისრულებია მუშაობა. უბრალოდ მინდოდა, გცოდნოდათ, რომ ჯერ არ ვკვდები. ბევრი ჭორი ვრცელდება და ვიფიქრე, ჯობდა, ეს ჩემგან გაგეგოთ, იცოდეთ, რომ კარგად ვარ“. – თქვა 8 ოქტომბერს გავრცელებულ ვიდეოში Country Music Hall of Fame-ის წევრმა დოლი პარტონმა.
მომღერალს მაილი საირუსთან დიდი ხნის მეგობრობა და პროფესიული ურთიერთობა აკავშირებს. 2024 წელს გენეალოგიის ძიების ვებგვერდმა Ancestry.com-მა გამოავლინა, რომ ისინი შორეული ნათესავებიც კი არიან. დოლი პარტონი ასევე გამოჩნდა Disney Channel-ის სერიალში Hannah MOntana დეიდა დოლის როლში, ხოლო მაილი საირუსთან ერთად პოპვარსკვლავის ჰიტის, Wrecking Ball-ის ახალი ვერსია ჩაწერა, რომელიც დოლი პარტონის 2023 წლის ალბომში Rockstar შევიდა.
მაილი საირუსმა ცოტა ხნის წინ მუსიკოსს Maxx Morando-სთან ნიშნობა დაადასტურა, Avatar 2-ისთვის კი სიმღერა Dream as One ჩაწერა. ფილმის პრემიერაზე საირუსი საქმროსთან ერთად, ხელზე ნიშნობის ბეჭდით გამოჩნდა.
წყვილი ურთიერთობის დაწყებიდან ოთხი წლის თავზე დაინიშნა, მაილი საირუსი კი ადრეულ ქორწინებაში ლიამ ჰემსვორთთან იმყოფებოდა.
