ჯერ მხოლოდ ერთი კვირაა, რაც 2026 წელი დადგა, თუმცა მუსიკის ზოგიერთი ვარსკვლავი უკვე აქტიურად გამოჩნდა სცენაზე. ბრუნო მარსი ახალი ნამუშევრით I Just Might დაბრუნდა, რომელიც ათი წლის შემდეგ მისი პირველი სოლო ალბომის – The Romantic-ის წამყვანი სინგლია. თავად ალბომის გამოსვლა 27 თებერვალს იგეგმება და მასში ცხრა სიმღერა იქნება გაერთიანებული. ალბომის მხარდამჭერი ტურნე კი გაზაფხულზე დაიწყება, სადაც სპეციალურად მოწვეული სტუმრები იქნებიან: ლეონ ტომასი, ვიქტორია მონე, RAYE და Anderson .Paak. სინგლი I Just Might ოფიციალურ ვიდეოსთან ერთად გამოვიდა, რომლის რეჟისორებიც თავად ბრუნო მარსი და დანიელ რამოსი არიან.
ზაჩ ბრაიანმა ახალი ალბომი With Heaven on Top წარადგინა, რომელიც 2024 წლის The Great American Bar Scene-ის გაგრძელებაა. ახალი 25-ტრეკიანი ალბომის ერთ-ერთი მნიშვნელოვანი სიმღერა Bad News არის, რომელმაც გასულ წელს დიდი პოპულარობა ტექსტში მოხსენიებული ICE-ის საემიგრაციო რეიდების გამო მოიპოვა.
ზაჩ ბრაიანის ქანთრი-სტილში შესრულებული სიმღერებია ასევე: ლუკ კომბსის – Sleepless in a Hotel Room, ჯეისონ ალდინის – Her Favorite Color და ერიკ ჩერჩის ახალი ცოცხალი შესრულება Hell Of A View.
მიმდინარე კვირაში ახალი ალბომი წარადგინა The Kid LAROI-მ, სახელწოდებით Before I Forget. ალბომი მოიცავს კოლაბორაციებს არტისტებთან: Lithe, Clara La San და Andrew Aged. პოპ ჟანრში უახლესი სინგლი Robyn-მაც გამოუშვა – Talk to Me. სხვა ახალ რელიზებს შორის არის ასევე: Mumford & Sons-ის ახალი კოლაბორაცია The Banjo Song და Yung Bleu-ის 16 სიმღერისგან შემდგარი ალბომი Therapy. ასევე, Carín León-მა და Xavi-მ გამოუშვეს ახალი დუეტი, სახელწოდებით La Morrita.
კვირის ახალი R&B რელიზებიდან აღსანიშნავია Ari Lennox-ის Twin Flame, Jill Scott-ის დრამატული Pressha და SAULT-ის ალბომი Chapter 1. ახალი სიმღერები გაჩნდა ჰიპ-ჰოპის ჟანრშიც, მათ შორის A$AP Rocky-ს Punk Rocky, IDK & Pusha T-ის ,,Life 4 a Life” და Chief Keef-ის Harry Potter.
ახალი მუსიკალური ნამუშევრების გამოჩენასთან ერთად Hot 100-იდან ნელ-ნელა ქრებიან სადღესასწაულო სინგლები და გზა ეთმობა სწრაფად მზარდ ჰიტებს, როგორცაა ელა ლენგლის Choosin’Texas, რომელმაც 10 იანვრის რეიტინგში მე-5 ადგილი დაიკავა.
