გრეისი აბრამსმა თავის ცნობილ შეყვარებულს, პოლ მესკალს 2 თებერვალს 30 წლის იუბილე მიულოცა და მისდამი სიყვარული საჯაროდ გამოხატა. 26 წლის მომღერალმა ინსტაგრამზე მისი და მესკალის ერთობლივი ფოტოები გამოაქვეყნა. აქამდე წყვილი საკუთარ ურთიერთობას უმეტესად პირად სივრცეში ინახავდა.
ფოტოების კარუსელი შავ-თეთრი კადრებით იწყება, სადაც აბრამსი და მესკალი ერთმანეთს კოცნიან. შემდეგ ფოტოში ისინი ბეისბოლის თამაშს ესწრებიან. სხვა ფოტოები წყვილის რომანტიკულ მომენტებს ასახავს.
პოსტი რეალურად ორმაგი მილოცვაა როგორც მესკალისთვის, ასევე აბრამსის ბავშვობის მეგობრის, კლემენტინისთვის. აღწერაში ვკითხულობთ: „კლემი, მთელი ჩემი გული ხარ! მიყვარს 2 თებერვალი… დაბადების დღეს გილოცავ. თქვენ ორი იმაზე მეტად მიყვარხართ, ვიდრე ამის სიტყვებით აღწერა შეიძლება. მადლობა, რომ ყველაფერს უკეთესს ხდით.”
კარუსელი ასევე მოიცავს აბრამსისა და კლემენტინის ერთობლივ კადრებსა და კლემენტინის ფოტოებს, რომელიც ტორტზე სანთლებს აქრობს.
გასულ კვირას რეჟისორმა სემ მენდესმა Beatles-ის ოთხნაწილიანი ბიოგრაფიული ფილმის მსახიობთა შემადგენლობის პირველი ფოტოები გამოაქვეყნა, რითაც ცნობილი გახდა, რომ The Beatles – a Four-Film Cinematic Event-ში ახალგაზრდა პოლ მაკარტნის როლს სწორედ მესკალი შეასრულებს. აბრამსი კი, რომელიც რეჟისორ ჯეი ჯეი აბრამსის ქალიშვილია, თავისი საეკრანო დებიუტისთვის ემზადება A24-ის მომავალ ფილმში Please, რომლის რეჟისორიც ჰალინა რეინია. ფილმის სიუჟეტი ამ დრომდე უცნობია.
