ამ კვირას Super Bowl-ის მაყურებელს არა ერთი, არამედ ორი არჩევანი ჰქონდა, თუ რას უყურებდა მატჩის შესვენების დროს: Bad Bunny-ს ოფიციალურ Halftime Show-ს თუ Turning Point USA-ს All-American Halftime Show-ს.
და მიუხედავად იმისა, რომ ბანის გამოსვლას 100 მილიონზე მეტი ნახვა ჰქონდა – რაც სრულიად შეესაბამება Super Bowl-ის შოუების წარსულ ტენდენციას, მათ შორის ლამარის რეკორდულ 133.5 მილიონ ნახვას – მეორე შოუმაც მნიშვნელოვანი რაოდენობის მაყურებლის მობილიზება მოახერხა. TPUSA-ს კონცერტი ერთგვარი საპასუხო ქმედება იყო NFL-ის მიერ ესპანურენოვანი არტისტის შერჩევაზე. ალტერნატიულ შოუზე წარდგნენ მუსიკოსები: Kid Rock, ბრენტლი გილბერტი, ლი ბრაისი და გები ბარეტი. შოუ ექსკლუზიურად „იუთუბზე” გადაიცემოდა.
და მაინც, რამდენი ნახვა ჰქონდა ალტერნატიულ Halftime Show-ს? გამოქვეყნებიდან 24 საათის განმავლობაში „იუთუბზე” მან 19 მილიონი ნახვა დააგროვა. ამავე დროის მონაკვეთში Bad Bunny-ს გამოსვლის ვიდეოს 24 მილიონზე მეტი ნახვა ჰქონდა.
The New York Times-ის მონაცემებით, ბანის გამოსვლის პარალელურად, All-American Halftime Show-ს პირდაპირ ეთერში 6.1 მილიონი ადამიანი უყურებდა.
2026 წლის Super Bowl-ის გზა საკმაოდ დაძაბული იყო, და არა მხოლოდ ფინალში მოასპარეზე საფეხბურთო გუნდებისთვის. მას შემდეგ, რაც შოუს სპონსორმა Apple Music-მა ჰედლაინერად Bad Bunny დაასახელა, კონსერვატორებისგან – მათ შორის იყვნენ თავად დონალდ ტრამპი და პრეზიდენტის ადმინისტრაციის წევრები – კრიტიკის დიდი ტალღა წამოვიდა. ისინი გადაწყვეტილებას ანტიამერიკულს უწოდებდნენ.
მიუხედავად ამისა, ექვსი გრემის მფლობელმა არტისტმა – სხვათა შორის, თავადაც ამერიკის მოქალაქემ პუერტო-რიკოდან, რომელიც აშშ-ის არაინკორპორირებული ტერიტორიაა – საკუთარი დრო Levi’s სტადიონზე ეფექტურად გამოიყენა საკუთარი მემკვიდრეობის წარმოსაჩენად და მაყურებლისთვის იმის შესახსენებლად, რომ „ერთად ჩვენ ამერიკელები ვართ” – მესიჯის, რომელიც შოუს ბოლოს ბანის მიერ სცენაზე გამოტანილ ფეხბურთის ბურთზე ეწერა. სიურპრიზი იყო შოუზე ლედი გაგასა და რიკი მარტინის გამოჩენა. კონცერტზე ასევე კამეოები ჰქონდათ ისეთ ვარსკვლავებს, როგორებიც არიან პედრო პასკალი, კეროლ ჯი, ჯესიკა ალბა და ქარდი ბი.
ნახეთ All-American Halftime Show-ს ვიდეო:
