ოლივია დინის სიმღერამ Man I Need Spotify-ზე მილიარდ მოსმენას გადააჭარბა

სიმღერა Man I Need შვედურ სტრიმინგ პლატფორმა Spotify-ზე მილიარდ მოსმენათა კლუბს შეუერთდა.
ოლივია დინი Spotify-ის საუკეთესო ახალი შემსრულებლის 2026 წლის წვეულებაზე, 2026 წლის 29 იანვარი, კალიფორნია. Gilbert Flores/WWD
ოლივია დინი Spotify-ის საუკეთესო ახალი შემსრულებლის 2026 წლის წვეულებაზე, 2026 წლის 29 იანვარი, კალიფორნია.
Gilbert Flores/WWD

ბრიტანელმა პოპვარსკვლავმა ოლივია დინმა ისტორიულ ნიშნულს მიაღწია სიმღერით Man I Need, რომელიც შვედეთში დაფუძნებულ სტრიმინგ პლატფორმა Spotify-ზე მილიარდ მოსმენას გასცდა. 

ეს ერთ-ერთია იმ მრავალ წარმატებას შორის, რომელიც არტისტმა ბოლო პერიოდში მოიპოვა. 2026 წელს იგი გრემის დაჯილდოებაზე წლის საუკეთესო ახალ არტისტად დასახელდა, BRIT Awards-ზე ოთხი ჯილდო მოიპოვა, მათ შორის წლის არტისტის და წლის ალბომის ნომინაციებში და ასევე, 2026 წლის MOBO Awards-ზე საპატიო სამი ჯილდო დაიმსახურა. 

გარდა ამისა, ოლივია დინი გახდა ქალი შემსრულებელი, რომლის გლობალური სტრიმინგების მაჩვენებელი Spotify-ზე გასული წლის განმავლობაში ყველაზე მეტად გაიზარდა. მან თავისი ცნობილი ჰიტი გრემის კვირეულის ფარგლებში გამართულ Spotify-ს საუკეთესო ახალი არტისტების ღონისძიებაზეც შეასრულა. 

ავსტრალიაში Man I Need-მა ARIA Chart-ში პირველ ადგილზე 20 კვირა დაჰყო, რითაც ქვეყნის ეროვნული ჩარტების ისტორიაში (რომელიც 1983 წლიდან ქვეყნდება) მეორე ყველაზე ხანგრძლივი ლიდერი სინგლი გახდა. ამ მაჩვენებლით მას მხოლოდ Tones and I-ის ჰიტი Dance Monkey უსწრებს, რომელმაც ჩარტებში პირველი ადგილი 24 კვირის განმავლობაში შეინარჩუნა.

დიდ ბრიტანეთში ილივია დინი პირველი სოლო შემსრულებელი ქალი გახდა Official Charts-ის ისტორიაში, რომლის ოთხი სიმღერა ერთდროულად საუკეთესო ათეულში მოხვდა. ეს რეკორდი მან გასული წლის ოქტომბერში ნომერ პირველი ჰიტით Man I Need და ალბომ The Art of Loving-ის კომპოზიციებით დაამყარა: So Easy (To Fall in Love), Nice To Each Other და სემ ფენდერთან კოლაბორაციული ნამუშევრით Rein Me In. 

არტისტი ასევე  Billboard-ის 2025 წლის Greatest Pop Stars-ის სერიაში წლის აღმოჩენად დასახელდა, მიმდინარე თვის დასაწყისში კი სიმღერა Man I Need პირველ ადგილზე გავიდა Billboard Adult R&B Airplay ჩარტში, როგორც ამერიკის რადიოსადგურებში ყველაზე ხშირად გაჟღერებული კომპოზიცია. 

ოლივია დინის ჯილდოების ჩამონათვალი შესაძლოა კიდევ უფრო გაიზარდოს Ivor Novello Awards-ის 71-ე ცერემონიაზე, რომელიც 21 მაისს ლონდონში გაიმართება. არტისტი ერთ-ერთ ფავორიტ შემსრულებლად მიიჩნევა და ორ კატეგორიაშია ნომინირებული: წლის საუკეთესო ალბომი და PRS for Music-ის ყველაზე ხშირად შესრულებული ნამუშევარი. 

სიმღერა Man I Need Spotify Billions Club-ს დაემატა – ფლეილისტს, რომელიც ამჟამად 1 255 სიმღერას აერთიანებს.

მოუსმინეთ ოლივია დინის სიმღერას Man I Need: 

Share
Tweet
Share
Share
Share

წინა სტატია

5 მაისიდან წინანდლის ფესტივალის ბილეთების გაყიდვა იწყება

შემდეგი სტატია

ემინემი სიფხიზლის 18 წელს აღნიშნავს

შეიძლება დაგაინტერესოთ

A$AP ROCKY-ს თქმით, დედობის შემდეგ რიანა ძალიან შეიცვალა,  თუმცა მას ყოველთვის ჯადოსნური მომხიბვლელობა ჰქონდა

W Magazine-ის ახალ ნომერში რიანასთან დაკავშირებული ისტორიები მერაია კერიმ და SZA-მაც გაიხსენეს.
მეტი
Drake- Till Death Do Us Part რეპ-ბათლის დროს, 2021 წლის 30 ოქტომბერი, ლონგ-ბიჩში, კალიფორნია. Amy Sussman/Getty Images

Drake-ის ალბომი Iceman ოფიციალურად მალე გამოვა –  ნახეთ რელიზის თარიღი

სტრიმერმა Kishka-მ ტორონტოში Iceman-ის ინსტალაციის თავზე განთავსებული ჟურნალი აღმოაჩინა, სადაც პროექტის გამოსვლის თარიღი იყო მითითებული.
მეტი

ჯასტინ ტიმბერლეიკი Coachella-ზე ჯასტინ ბიბერის მიერ შესრულებულ Cry Me a River-ს ემოციური პოსტით გამოეხმაურა

„ვამაყობ შენით და შენც უნდა ამაყობდე საკუთარი თავით,” – წერს ტიმბერლეიკი პოსტის აღწერაში.
მეტი

გამორჩეული არტისტები მსოფლიო მასშტაბით: Billboard China-მ სპეციალური გლობალური გამოცემა – SPOTLIGHT წარადგინა

გამოცემა მოიცავს სამ მიმართულებას – ციფრულ მედიას, არტისტის წიგნს და ჟურნალს.
მეტი