ემინემი განსაკუთრებულ თარიღს აღნიშნავს – სიფხიზლის 18 წელს. 53 წლის რეპერმა ინსტაგრამზე ფოტო გამოაქვეყნა, სადაც ხელში მონეტა უჭირავს, წარწერით: „უერთგულე შენს თავს”. ცენტრში მოქცეულ ოქროსფერ სამკუთხედში კი რომაული ციფრებით რიცხვი 18-ია ამოტვიფრული.
ამ განსაკუთრებული დღისთვის ემინემს სპეციალური ვინტაჟური მაისური აცვია, რომლითაც პატივს მიაგებს D-Nice-ის 1991 წლის ალბომს To Tha Rescue, რომელიც რეპერის მეორე და ბოლო სტუდიური ჩანაწერია.
პოსტმა დიდი მხარდაჭერა დაიმსახურა ემინემის მეგობრებისა და გულშემატკივრებისგან. მათ შორის არიან: პოდკასტერი და კომიკოსი Theo Von, რომელმაც კომენტარებში დაწერა: „ამინ”; ასევე ემინემის ნახევარძმა ნეითან მეზერსი: „ვამაყობ შენით, უფროსო ძმაო”; და Roots-ის დრამერი და რეჟისორი Questlove, კომენტარით: „შესანიშნავია, ასე განაგრძე.”
2022 წელს ემინემმა მის დიდი ხნის მენეჯერ პოლ როზენბერგს უთხრა, რომ 2007 წლის თითქმის ფატალური ზედოზირების შემდეგ მის ტვინს ძალიან დიდი ხანი დასჭირდა, რომ კვლავ ამუშავებულიყო. „როცა კვლავ დავიწყე რეპის კეთება და გამოგიგზავნე, არ ჰკითხე ექიმებს, ტვინის დაზიანება ხომ არ მქონდა?” უთხრა რეპერმა როზენბერგს, რომელიც იმ პერიოდში ძალიან ღელავდა ემინემის მომავალ კარიერაზე. როგორც რეპერმა აღნიშნა, დამოკიდებულების პიკში ის 75-80 აბ ვალიუმს იღებდა, რაც პოტენციურად სასიკვდილო დოზაა.
ემინემს ზეიმის კიდევ ერთი მიზეზი აქვს: ცოტა ხნის წინ რეპერი მეორედ გახდა ბაბუა. მის უფროს ქალიშვილს, ალანა სკოტს, რომელიც 2000-იანებში იშვილა, გასულ კვირას შვილი – სკოტი მარი მოელერი შეეძინა. გოგონას სახელი ალანა სკოტის დედის, დონ სკოტისა და მისი დის, კიმ სკოტის (ემინემის ყოფილი მეუღლე) პატივსაცემად დაარქვეს. ემინემი ბაბუა პირველად გასული წლის მარტში გახდა, როცა მის ბიოლოგიურ შვილს, ჰეილი ჯეიდს ვაჟი შეეძინა.
ნახეთ ემინემის პოსტი:
