U2 მეხიკოს მთავარ მოედანზე უფასო კონცერტის ჩასატარებლად მიიწვიეს

ჯგუფსა და მეხიკოს ადგილობრივი თვითმმართველობის ხელმძღვანელს შორის გამართული შეხვედრისას, ბონომ გამოთქვა სურვილი, რომ U2-ს შემდეგი ტურნე სწორედ ქვეყნის დედაქალაქში დაიწყოს.
U2 და მეხიკოს ადგილობრივი მთავრობის ხელმძღვანელი, კლარა ბრუგადა. 2026 წლის 13 მაისი.
GOVERNMENT OF MEXICO CITY

ირლანდიური ჯგუფი U2 მეხიკოში ახალი სინგლის, Street of Dreams-ის კლიპის გადასაღებად ჩავიდა, რასაც დედაქალაქის  ხელმძღვანელის, კლარა ბრუგადას მხრიდან ოფიციალური მიწვევა მოჰყვა. მან ჯგუფი ქვეყნის მთავარ საჯარო მოედანზე – Zócalo-ზე გამოსასვლელად მიიწვია.

13 მაისს ბრუგადა ჯგუფის წევრებს ქალაქის ისტორიულ ცენტრში, კლიპის გადაღების დროს შეხვდა. როგორც სოციალურ ქსელში გამოქვეყნებულ ვიდეოში ჩანს, მან ჯგუფს გადასცა დოკუმენტი, რომელიც პირადად ჯგუფის ვოკალისტმა და ლიდერმა, ბონომ ჩაიბარა.

მანამდე ბონომ ბრუგადას გაუზიარა სურვილი, რომ მომავალი მსოფლიო ტურნე სწორედ მეხიკოდან დაიწყონ. მისი თქმით, ქალაქი განსაკუთრებულ ადგილს იკავებს ჯგუფის წევრების გულებში.

„ჩვენს ოცნებებში ტურნეს აქ ვიწყებთ. ძალიან გვიყვარს ეს ქალაქი.“

Zócalo დიდი მნიშვნელობის მატარებელ მონუმენტურ ადგილად ითვლება. ეს არის სიმბოლიზმით აღსავსე მოედანი, სადაც პოლიტიკა, სოციალური მოძრაობები, კულტურა და რელიგია ერთმანეთს კვეთს. მსოფლიო მასშტაბით, ის სიდიდით მეორე საჯარო მოედანია პეკინის ტიანანმენის მოედნის შემდეგ. მარტში შაკირამ მოედანზე რეკორდი მოხსნა: მის უფასო კონცერტს 400 000 ადამიანი დაესწრო.

ბრუგადასა და U2-ს შეხვედრა ისტორიულ ცენტრში მდებარე „კაზინო მეტროპოლიტანოში“ შედგა. როგორც ქალაქის მთავრობის წარმომადგენელმა ესპანურ Billboard-ს დაუდასტურა, შეხვედრისას ბრუგადამ ჯგუფის თითოეულ წევრს ტრადიციული საჩუქარი გადასცა – ამფიბიის ფიგურა, რომელიც ცენტრალური მექსიკის ენდემური სახეობაა. 

მოგვიანებით ბრუგადამ სოციალურ ქსელში ჯგუფთან ერთად გადაღებული ფოტოებიც გამოაქვეყნა. 

რაც შეეხება კლიპის გადაღებებს, სიმღერა Street of Dreams მათ მომავალ ალბომში შევა, რომლის გამოსვლაც 2026 წლის ბოლოს იგეგმება.

ერთი დღით ადრე, მხატვარ ჩავის მარმოლის მიერ გრაფიტით მოხატული სასკოლო ავტობუსის სახურავზე მდგომმა კვარტეტმა ახალი სიმღერა შეასრულა, რომელსაც ესპანურენოვანი გუნდი ახლდა. სწორედ ამ შესრულებისას, ხანგრძლივი პაუზის შემდეგ, პირველად გამოჩნდა დრამერი ლარი მალენ უმცროსი, რომელიც ზურგისა და კისრის ოპერაციების შემდგომ რეაბილიტაციას გადიოდა.

მექსიკას U2-სთვის სიმბოლური დატვირთვა აქვს. სწორედ აქ გამართეს მათ არაერთი გამორჩეული კონცერტები, მათ შორის 1997 წლის საკულტო გამოსვლა, რომელიც ჩაწერილია ვიდეოში Popmart: Live From Mexico City.

ბოლოს U2 მეხიკოში 2017 წლის ოქტომბერში, ალბომის The Joshua Tree-ის 30 წლის იუბილესთან დაკავშირებული ტურნეს ფარგლებში გამოვიდა. ეს შოუ ცენტრალურ მექსიკაში მომხდარი ძლიერი მიწისძვრიდან სულ რაღაც სამი კვირის შემდეგ ჩატარდა.

Share
Tweet
Share
Share
Share

Leave a Reply

წინა სტატია

2026 წლის მსოფლიო ჩემპიონატის ფინალზე მადონა, შაკირა და BTS იმღერებენ

შემდეგი სტატია

KPop Demon Hunters მსოფლიო საკონცერტო ტურნეში მიდის

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი