30 მაისს Tatuza Jazz Club-ში ჯაზ-ფიუჟენის ლეგენდარული ბენდის, Yellowjackets-ის კონცერტი გაიმართება. ჯგუფი, რომელმაც თანამედროვე ჯაზის ჟღერადობაზე მნიშვნელოვანი გავლენა მოახდინა, კარიერის მეხუთე ათწლეულშიც იმავე წარმატებით ქმნის ახალ მუსიკას და მუდმივად ეძებს ახალ მიმართულებებს. მათი ბოლო, რიგით 27-ე ალბომიც Fasten Up სწორედ ამ უწყვეტ მოძრაობასა და განახლებას ასახავს.
ალბომის სახელწოდება ბასისტ დეინ ალდერსონის კომპოზიციიდან მოდის და ერთგვარი მოწოდება და გაფრთხილებაა იმისა, რომ Yellowjackets სცენაზე კვლავ სრული სისწრაფით ბრუნდება.
ჯგუფის მუსიკა მუდამ გამოირჩეოდა სხვადასხვა სტილისა და გავლენის შერწყმით, მათ შორისაა ჯაზი, ფიუჟენი, ფანკი და თანამედროვე იმპროვიზაცია. სწორედ მუდმივი ექსპერიმენტები და მუსიკალური ძიება ეხმარება ჯგუფს, ათწლეულების შემდეგაც შეინარჩუნოს აქტუალურობა.
დღეს ბენდის შემადგენლობაში არიან როგორც დამფუძნებელი, ასევე შედარებით ახალი წევრები: რასელ ფერანტე – კლავიში, გრეიმ ბლევინსი – საქსოფონი, დეინ ალდერსონი – ბასი, უილ კენედი – დრამი.
კონცერტის დაწყების დრო – 20:00 საათი. ბილეთების შეძენა შეგიძლიათ ბმულზე.
