ბათუმში Iveria Beach-ის ორგანიზებით საერთაშორისო მასშტაბის მუსიკალური ფესტივალი – The Black Sea Sidewind Sessions, 10-დან 12 ივლისის ჩათვლით გაიმართება. ფესტივალი შავი ზღვის სანაპიროზე ელექტრონული მუსიკის მოყვარულებს გააერთიანებს.
The Black Sea Sidewind Sessions-ის საფესტივალო პროგრამა მუსიკის მოყვარულებს სამ განსხვავებულ საღამოს ჰპირდება, სადაც აუდიტორიის წინაშე საერთაშორისო და ქართული ელექტრონული სცენის წარმომადგენლები წარდგებიან. ფესტივალზე ასევე დაუკრავენ ბერლინში დაფუძნებული ლეიბლის, Toy Tonics-ის წევრებიც. აღნიშნული ლეიბლი გლობალურ მუსიკალურ ინდუსტრიაში თანამედროვე ჰაუსის, ფანკისა და ნეო-სოულის უნიკალური სინთეზითა და გამორჩეული საცეკვაო ატმოსფეროთია ცნობილი.
საფესტივალო პროგრამის განრიგი კი ასე გამოიყურება:
10 ივლისი: ფესტივალის პირველ დღეს მუსიკალურ პროგრამას წარადგენენ Vakomey & Haverdi.
11 ივლისი: მსმენელის წინაშე საერთაშორისო არტისტი Moretz (Toy Tonics) და ქართული სცენის წარმომადგენელი Temuriko Diasamidze წარდგებიან.
12 ივლისი: დასკვნითი ღონისძიება Martha Pinel (Toy Tonics) და Bonjourlan.
ღონისძიება მიზნად ისახავს რეგიონში კულტურული ტურიზმის ხელშეწყობასა და ადგილობრივი და საერთაშორისო მუსიკალური სცენების ინტეგრაციას.
ფესტივალზე დასასწრები ბილეთების შეძენა შესაძლებელია შემდეგ ბმულზე:
