NixNoies-ის მეორე საავტორო ალბომი – GONE

„საბოლოო ჯამში ამ ალბომზე მუშაობამ უფრო მეტად დამაახლოვა ჩემს თავთან, მამყოფა ეიფორიაში, გამაცინა, მატირა, გამომცადა და შემარიგა იმ ფიქრებთან და წარმოსახვებთან, რომლებსაც გავურბოდი ხოლმე. მივხვდი, რომ უხერხული არაფერია და რომ უკვე ყველაფერი ითქვა.“
NixNoies - GONE © yar_rosenpictures
NixNoies – GONE
© yar_rosenpictures

31 ივლისს NixNoies-მა მეორე საავტორო ალბომი GONE წარადგინა. ახალი ნამუშევარი არტისტის სადებიუტო ალბომის, Can I Go Now?-ს ემოციური თუ შემოქმედებით ხაზის ერთგვარი გაგრძელებაა.

NixNoies-ის მეორე საავტორო ალბომში, რომლის სახელწოდებაა GONE, ცხრა ერთმანეთისგან განსხვავებული ხასიათის კომპოზიციაა გაერთიანებული. ნამუშევრის საერთო ლაიტმოტივი პირდაპირობა, პიროვნული სისუსტეების აღიარება და მათი სიძლიერედ გარდაქმნაა. სწრაფვა ფიქტიური სრულყოფილებისკენ და წასვლა, რომელიც ხშირად დაბრუნების აუცილებელ წინაპირობად იქცევა. მელანქოლიური მელოდიები ალბომში თვითირონიულ ლირიკას ერწყმის და მსმენელს ემოციური სიახლოვისა და უშუალობის განცდას უქმნის. 

ალბომში შესული ყველა სიმღერის ავტორი, კომპოზიტორი და პროდიუსერი თავად არტისტი NixNoies / ნინო ციმაკურიძეა.

NixNoies – მუსიკოსი:

„ამ ალბომზე მუშაობა ზედმიწევნით ინტენსიური აღმოჩნდა, ვინაიდან იდეის პერფექციონისტული სრულყოფისკენ ვარ მიდრეკილი და ვცდილობ, ჩემი თავი ყოველთვის ახალი გამოწვევების წინაშე დავაყენო. იქნება ეს კომპოზიციური თუ ტექნიკური თვალსაზრისით. Ableton-ით ვმუშაობ და მიქსინგსაც ჩემით ვაკეთებ, რამაც უფრო მეტი დრო და ენერგია წაიღო, ვიდრე სიმღერის დაწერამ. იყო დღეები, როცა 16 საათი განუწყვეტლივ ვიჯექი ლეპტოპთან და ვცდილობდი, ის პირველადი იდეა სრულყოფილი გამეხადა, მაგრამ ასევე იყო ფრუსტრაციის მომტანი დღეებიც, როცა გამიზნულად თავს ვარიდებდი მუშაობას და ფიქრს ვამჯობინებდი იმაზე, თუ რა უნდა შემეცვალა. 

იდეები ყოველთვის არსაიდან ჩნდებოდა, უმთავრესად ჯერ მელოდიას ვწერ და შემდეგ ტექსტს ვადებ, თუმცა თუკი ლექსი მომეწონა, ჯერ ტექსტზე ვწერ მელოდიას და შემდეგ ვუკეთებ არანჟირებას.

საბოლოო ჯამში ამ ალბომზე მუშაობამ უფრო მეტად დამაახლოვა ჩემს თავთან, მამყოფა ეიფორიაში, გამაცინა, მატირა, გამომცადა და შემარიგა იმ ფიქრებთან და წარმოსახვებთან, რომლებსაც გავურბოდი ხოლმე. მივხვდი, რომ უხერხული არაფერია და რომ უკვე ყველაფერი ითქვა. ბედნიერი ვარ, რომ დავასრულე მუშაობა და ყველა სიმღერას, როგორც საკუთარ ზრდასრულ შვილებს, 31 ივლისს დავუქნევ ხელს თეთრი ხელსახოცით.“ 

არტისტის თქმით, ალბომზე მუშაობა დაახლოებით ერთი წლის განმავლობაში მიმდინარეობდა. ახალ ნამუშევარში გამოყენებულია მრავალფეროვანი ინსტრუმენტები, მათ შორის ქიბორდი, ვიოლინო, ბასი, კლავიში, ელექტროგიტარა, აკორდეონი და სხვა აკუსტიკური ინსტრუმენტები, რომლებიც თითოეულ კომპოზიციას განსხვავებულ ჟღერადობასა და ატმოსფეროს სძენს.

მოუსმინეთ NixNoies-ის ახალ ალბომს – GONE:

Share
Tweet
Share
Share
Share

Leave a Reply

წინა სტატია

საიმიგრაციო სამსახურის ახალ ვიდეოებში თეთრი სალხი Bad Bunny-სა და დრეიკის სიმღერებს იყენებს

შემდეგი სტატია

Madonna Rafael Pavarotti

Madonna-მ WorldPride Amsterdam-ის სცენაზე კაილი მინოუგი მისი სიმღერის, Love Sensation-ის შესასრულებლად მიიწვია

შეიძლება დაგაინტერესოთ

„ჩაწერის ერთ-ერთი საუკეთესო გამოცდილება, რაც კი შეიძლება გქონდეს“ – მაიკ მილსი R.E.M.-ის ალბომის, Reveal-ის შესახებ საუბრობს

საიუბილეო დელუქს გამოცემა მოიცავს იმ პერიოდის აქამდე გამოუქვეყნებელ ცოცხალ კონცერტსაც.
მეტი

რობერტ გლასპერი ხსნის, რატომ არ შეუძლია ხელოვნურ ინტელექტს გაიმეოროს ის ადამიანური „შეცდომები“, რომლებიც მუსიკას ცოცხალსა და ნამდვილს ხდის

ინტერვიუს მსვლელობისას გლასპერმა სხვადასხვა არტისტთან კოლაბორაციის შესახებაც ისაუბრა.
მეტი

ბრუნო მარსი მამის გარდაცვალებას გლოვობს: „ადამიანი, რომელმაც ყველაფერი მასწავლა, რაც კი ვიცი“

„ჩემს თვალში ის მსოფლიოში საუკეთესო მამა იყო“, – დაწერა გრემის მფლობელმა მუსიკოსმა.
მეტი
პოლ მაკარტნი ტურნეს - Got Back-ის კონცერტზე, 2022 წლის 13 მაისი, კალიფორნია, ლოს-ანჯელესი, SoFi-ს სტადიონი Michael Buckner/PMC

უკრაინელი ქალებისა და ბავშვების მხარდასაჭერ საქველმოქმედო კონცერტზე Songs of Freedom პოლ მაკარტნი, ბარბრა სტრეიზანდი, შონ პენი და სხვა ვარსკვლავები მიიღებენ მონაწილეობას

კონცერტი 2027 წლის 3 თებერვალს დიდ ბრიტანეთში, მანჩესტერში, Co-op Live-ის არენაზე გაიმართება.
მეტი

რიანამ და დუა ლიპამ ბრილიანტისა და პლატინის სერტიფიკატების მთელი წყება მოიპოვეს 

ლიპას 2020 წლის ალბომის, Future Nostalgia-ს მთავარი ჰიტი მის კარიერაში პირველი სიმღერაა, რომელმაც ბრილიანტის სერტიფიკატი მიიღო.
მეტი
LISA ფილმიდან Always Lalisa სიმღერა Leave With Me LLOUD/ YouTube

LISA-მ ფილმიდან Always Lalisa ახალი ემოციური სინგლი Leave With Me  წარადგინა

ნელი, მელოდიური ბალადა დოკუმენტური ფილმის ტიტრების ფონზე ჟღერს. ფილმის ნახვა ექსკლუზიურად YouTube Premium-ზეა შესაძლებელი.
მეტი
wayward.atom ფოტო: ნინუცა კაკაბაძე

ქართული ელექტრონული მუსიკა საერთაშორისო სცენაზე – wayward.atom-ის გამოცდილება Sonica Glasgow-ზე და სამომავლო გეგმები

თბილისსა და გლაზგოს შორის ახალი კულტურული ხიდი შენდება - 2027 წელს საქართველო ექსპერიმენტული მუსიკის მასშტაბურ შოუქეისს უმასპინძლებს.
მეტი