SZA CoComelon-ის ფერად სამყაროში მიემგზავრება. შვიდგზის გრემის მფლობელი არტისტი ერთ-ერთ პერსონაჟს გაახმოვანებს CoComelon: The Movie-ში – პოპულარული საბავშვო ფრენჩაიზის პირველ სრულმეტრაჟიან ფილმში. DreamWorks Jr.-მა უკვე გამოაქვეყნა პირველი ტრეილერი და მაყურებელს ანიმაციური თავგადასავლის პირველი კადრები გაუზიარა. ფილმი კინოთეატრებში 2027 წლის 19 თებერვალს გამოვა.
ფილმის მუსიკალური გაფორმება გრემის ნომინანტ კომპოზიტორსა და მუსიკალურ პროდიუსერ ჯასტინ ტრენტერს ეკუთვნის, რომელსაც უმუშავია ისეთ ვარსკვლავებთან, როგორებიცაა ჩაპელ როუნი, ჯასტინ ბიბერი და სელენა გომესი.
ტრეილერში ვხედავთ ჯეი-ჯეის, რომელიც მეგობრებთან ერთად მის საყვარელ ფუმფულა დათვ ბობას ეძებს. ეს ძიება კი უცნაური მიმართულებით განვითარდება, როცა დაკარგული ნივთების მისტიკური ყუთის საშუალებით ისინი ჯადოსნურ სამყაროში აღმოჩნდებიან. ასე იწყება ზღაპრული თავგადასავალი ჯეი-ჯეისა და მისი მეგობარი დათვის კვლავ გასაერთიანებლად.
მართალია, გახმოვანება SZA-ს ჩვეული მოწოდება არ არის, თუმცა პროექტი მისი წარმატებული კარიერის კიდევ ერთი საინტერესო ეტაპი იქნება. მისი ბოლო ალბომი SOS 11 კვირის განმავლობაში იყო Billboard 200-ის ლიდერი და გახდა ქალის მიერ შექმნილი პირველი ჩანაწერი, რომელმაც ჩარტის ტოპ ათეულში 100 კვირაზე მეტი გაატარა. ალბომში შედის ასევე Billboard Hot 100-ის ლიდერი ჰიტი Kill Bill. მოგვიანებით SZA-ს წარმატება ჩარტში გაგრძელდა სიმღერებით: Saturn და 30 for 30 (კენდრიკ ლამართან ერთად), ასევე Hot 100-ის კიდევ ერთი ლიდერი ჰიტით, ლამარის Luther-ით.
ნახეთ ტრეილერი:
