ოსკარის, ოქროს გლობუსის და ორი გრემის მფლობელი მომღერალი და მსახიობი, ირენ კარა 63 წლის ასაკში გარდაიცვალა. კარამ განსაკუთრებული პოპულარობა მოიპოვა 1980 წლის ცნობილი ფილმით Fame და შემდგომ 1983 წლის კინოსურათში Flashdance გაჟღერებული სიმღერით – Flashdance … What a Feeling, რომელიც 80-იანი წლების ერთ-ერთ ჰიტად იქცა.
მომღერლის გარდაცვალების ამბავი, ირენ კარას საზოგადოებასთან ურთიერთობის მენეჯერმა, ჯუდით ეი მუსმა სოციალური ქსელის მეშვეობით აუწყა საზოგადოებას და აღნიშნა, რომ სიკვდილის გამომწვევი მიზეზი, ამ ეტაპზე, უცნობია. კარა ფლორიდაში, საკუთარ სახლში გარდაცვალა.
მუსის თქმით, ირენ კარას ოჯახი საზოგადოებას სთხოვს, გლოვის დროს მათ პირად სივრცეს ყველამ პატივი სცეს. „ის იყო კეთილი და ნიჭიერი ადამიანი, რომლის შემოქმედებითი მემკვიდრეობა ყოველთვის იცოცხლებს მუსიკასა და კინოში.“ – ვკითხულობთ ირენ კარას ტვიტერის ოფიციალურ ანგარიშზე გამოქვეყნებულ პოსტში.
კარიერის განმავლობაში, ირენ კარას 10 ჰიტი მოხვდა Billboard Hot 100-ის ჩარტებში.
