ამერიკელი მომღერალი, სამერ უოკერი კომპოზიციის No Love ალტერნატიულ ვერსიას ავრცელებს, რომელშიც არენბი შემსრულებელი SZA და ნიუ იორკელი ჰიპ ჰოპ არტისტი Cardi B მონაწილეობენ.
კომპოზიციის ორიგინალი ვერსია გასული წლის ნოემბერში გავრცელდა და ბილბორდის ცხელ ასეულში მე-13 პოზიცია დაიკავა. სიმღერა სამერ უოკერის 18-ტრეკიან ალბომში Still Over It შედის.
სამერ უოკერი ფართო საზოგადოებამ 2018 წელს გაიცნო, როდესაც მიქსტეიპი Last Day of Summer გამოუშვა. 2019 წელს მისმა სადებიუტო ალბომმა Over It კრიტიკოსების მოწონება და პლატინის სტატუსი დაიმსახურა. ორ წელიწადში მომღერალმა კიდევ ერთი სტუდიური ნამუშევარი Still Over It გამოსცა, რომელსაც Billboard 200-ის ჩარტში პირველი ადგილი ერგო. ამასთან, ჩანაწერში შემავალი ყველა კომპოზიცია ბილბორდის ცხელ ასეულში ერთდროულად მოხვდა, რაც ქალ მუსიკოსებს შორის უოკერის გარდა აქამდე მხოლოდ ტეილორ სვიფტმა შეძლო.
