ცნობილი ამერიკელი მომღერალი, ჯენიფერ ლოპესი და მსახიობი ბენ აფლეკი მეორედ დაინიშნენ. ამის შესახებ ინფორმაცია მუსიკოსმა თავისი ვებგვერდის onthejlo.com გამომწერებს ელექტრონული ფოსტის მეშვეობით გაუზიარა. მათი პირველი ნიშნობა 20 წლის წინ შედგა, თუმცა მოგვიანებით წყვილი ერთმანეთს დაშორდა.
Major announcement!!!! https://t.co/G5oGxtX0z5 pic.twitter.com/HTIqbHMJ2M
— jlo 💍 (@JLo) April 9, 2022
საზოგადოება ბენისა და ჯეილოს შერიგების შესახებ 2021 წლის აპრილში ალაპარაკდა, როდესაც წყვილი, ლოპესის ალექს როდრიგესთან დაშორების შემდეგ, სხვადასხვა ადგილას შენიშნეს. ჭორები მათ ამავე წლის სექტემბერში დაადასტურეს, როდესაც ვენეციის საერთაშორისო კინოფესტივალის წითელ ხალიჩაზე ერთად გამოჩნდნენ.
ჯენიფერი სამჯერ გახლდათ დაქორწინებული – ოჯანი ნოაზე, კრის ჯადსა და მარკ ენტონიზე. ამ უკანასკნელთან მას 14 წლის ტყუპი, ემი და მაქსი შეეძინა. ხოლო ბენ აფლეკს მსახიობ ჯენიფერ გარნირთან სამი შვილი ჰყავს: 16 წლის ვაიოლეტი, 13 წლის სერაფინა და 10 წლის სამუელი.
მსახიობმა და მომღერალმა, ჯენიფერ ლოპესმა სადებიუტო სტუდიური ალბომი “On the 6” 1997 წელს გამოუშვა, თუმცა განსაკუთრებული წარმატება მის ნამუშევარს J to tha L–O! The Remixes ხვდა წილად. ის ისტორიაში პირველი რემიქს ალბომი გახდა, რომელიც Billboard 200-ის სათავეში მოექცა. ჯეილოს კარიერის განმავლობაში 70 მილიონი ჩანაწერი აქვს გაყიდული. 2013 წელს მუსიკოსს ჰოლივუდის დიდების ხეივანში ვარსკვლავი გაუხსნეს. 2018 წელს კი გამოცემამ Time ის მსოფლიოში ყველაზე გავლენიან 100 ადამიანს შორის დაასახელა. არტისტს განსაკუთრებული წარმატება კომპოზიციებმა: If You Had My Love, Jenny from the Block, Papi და On The Floor მოუტანა.
