გრემის ნომინანტი რეპერი, ჯეკ ჰარლოუ სადებიუტო ალბომს Come Home the Kids Miss You ავრცელებს. სტუდიურ ნამუშევარში მოწვეული არტისტების რანგში გვხვდებიან ჰიპ ჰოპ და არენბი ვეტერანები: ფარელი, ჯასტინ ტიმბერლეიკი, ლილ უეინი და დრეიქი.
ჰარლოუს აქამდე ჩანაწერის მხოლოდ ორი სინგლი Nail Tech და First Class ჰქონდა გამოშვებული. უკანასკნელი მათგანი ბილბორდის ცხელი ასეულის სათავეში მოხვდა.
ჯეკმა რეჩიტატივის კითხვა 12 წლის ასაკში დაიწყო. მისი პირველი მიქსტეიპი 2011 წელს გამოიცა. მას შემდეგ კენტუკელმა მუსიკოსმა რამდენიმე სტუდიური ნამუშევარი გამოაქვეყნა, თუმცა, ფართო საზოგადოების ყურადღება მან 2020 წლის კომპოზიციით Whats Poppin დაიმსახურა. ექვსმაგი პლატინის სტატუსის მფლობელი ტრეკის რემიქსი ჰარლოუს არაერთმა პოპულარულმა კოლეგამ ჩაწერა. 2020 წლის დეკემბერში რეპერმა გაყიდვაში სადებიუტო ალბომი That’s What They All Say ჩაუშვა, რომელიც Billboard 200-ში მეორე პოზიციაზე გავიდა. ასევე, აღსანიშნავია 2021 წელს ლილ ნას იქსთან კოლაბორაციით შექმნილი სიმღერა Industry Baby, რომელიც ბილბორდის ცხელი ასეულის სათავეში მოხვდა.
