ენი ლენოქსმა საქველმოქმედო ორგანიზაციის მხარდასაჭერად და ქალთა და გოგონათა ძალადობის დასაძლევად, საერთაშორისო აუქციონზე მსოფლიოს ყველაზე გამორჩეული და ცნობილი ქალი არტისტები შეკრიბა. საქველმოქმედო ორგანიზაციის The Circle ღონისძიება თექვსმეტი დღის განმავლობაში გაგრძელდება. აუქციონზე უნიკალური ხელნაწერები, ბილი ეილიშის ხელით დაწერილი ლექსები, ასევე ბრენდი კარლაილის, ლენოქსის, ალისა კისის და ანჟელიკა კიჯოს ხელნაწერები იქნება წარმოდგენილი.
„მე მჯერა, რომ მუსიკას შეუძლია ააშენოს ხიდი და გააერთიანოს ხალხი. მშვენიერია როცა ვხედავთ ფენომენალური ნიჭის მქონე არტისტების თანადგომას, ქალებისა და გოგონების გვერდით, რომლებიც გენდერული ძალადობის წინააღმდეგ იბრძვიან.“ – აღნიშნა ენი ლენოქსმა, როკ-ენ-როლის დიდების დარბაზში აუქციონის მსვლელობის დროს.
აუქციონი და პრიზების გათამაშება, 22 ნოემბერს დაიწყო და ხუთი დეკემბრის ჩათვლით გაგრძელდება. ნივთებს შორის მუსიკოსების ხელით ნაწერი სიმღერის ტექსტებია: ბრიტანული მუსიკალური დუეტის Eurythmics-ის ხელით ნაწერი სიმღერის ტექსტი Sweet Dreams, ბილი ეილიშის Your Power, ბრენდი კარლაილის Right on Time, ანჟელიკა კიჯოს Agolo და ალისია კისის Fallin.
„ჩვენ მადლიერები ვართ იმ არტისტების ვინც გულუხვობა გამოიჩინა და ქალთა მხარდასაჭერად, ერთად დადგნენ ძალადობის წინააღმდეგ. მოვუწოდებ მუსიკის ნებისმიერ გულშემატკივარს, შევიდნენ საიტზე და მიიღონ აუქციონში მონაწილეობა.“ განაცხადა The Circle-ის აღმასრულებელმა დირექტორმა რახი შაჰმა.
პრეს-რელიზის თანახმად ორგანიზაცია The Circle-სი თექვსმეტ დღიანი გამოწვევის ფარგლებში კრეატიულ აქტივობებს გეგმავს. გენდერული ძალადობის წინააღმდეგ აქტივიზმის თექვსმეტ დღიანი კამპანია თანხების მოსაზიდად სხვადასხვა ღონისძიებებს გამართავს. მაგალითად, თექვსმეტ საათიანი შეუჩერებელი ცეკვა, ლანჩზე თექვსმეტი მეგობრის მოწვევა, 1.6 კილომეტრის გავლა, თექვსმეტი დღე ყოველდღიურ ყავაზე უარის თქმა და ამ პერიოდის განმავლობაში თანხის დაზოგვა.
