კრისტინ მაკვი, Fleetwood Mac-ის წევრი და ვოკალისტი 79 წლის ასაკში გარდაიცვალა. ინფორმაცია ოჯახმა ფეისბუქზე გაავრცელა, სადაც ნათქვამია, რომ მუსიკოსი ხანმოკლე ავადმყოფობის შემდეგ საავადმყოფოში გარდაიცვალა.
„გთხოვთ, ამ ძალიან მტკივნეულ დროს პატივი სცეთ ოჯახის პირად სივრცეს. ვისურვებდით, რომ კრისტინი ყველას გულებში დარჩეს, რომ გახსოვდეთ საოცარი ადამიანისა და მუსიკოსის ცხოვრება, რომელიც ყველას უყვარდა.”
სამწუხარო ინფორმაციის გავრცელების შემდეგ, მაკვის ბენდის მეგობრებმა ტვიტერზე საერთო განცხადება გაავრცელეს. „არ არსებობს სიტყვები, რომლითაც ჩვენს მწუხარებას გამოვხატავთ. კრისტინი მართლაც განსაკუთრებული და უსაზღვროდ ნიჭიერი იყო. ის იყო საუკეთესო მუსიკოსი, ვინც კი შეიძლება ბენდში გყოლოდა და საუკეთესო მეგობარი, ვინც კი შეიძლება ცხოვრებაში გყოლოდა. ჩვენ ძალიან გაგვიმართლა, რომ ცხოვრება მასთან ერთად გავატარეთ. სათითაოდ და ერთად, ჩვენ ძალიან ვაფასებდით კრისტინს და მადლობელი ვართ იმ საოცარი მოგონებებისთვის, რაც მასთან გვაკავშირებს. ძალიან მოგვენატრება.”
— Fleetwood Mac (@fleetwoodmac) November 30, 2022
კრისტინ მაკვი წარმატებული მუსიკოსი იყო როგორც სოლო კარიერაში, ასევე ჯგუფის Fleetwood Mac შემადგენლობაში, რომელსაც 1970 წელს შეუერთდა. ჯგუფში ყოფნის პერიოდში ბენდი 25-ჯერ მოხვდა ბილბორდის 100 ჰიტში. აქედან ცხრაჯერ ტოპ 10-ში და ერთხელ პირველ ადგილზე.
როგორც სოლო შემსრულებელი, მაკვი ცნობილი იყო ჰიტებით Love Will Show Us How და Got a Hold on Me.
