„მზად ვარ მხიარულებისათვის“- სელენა გომესი ახალ მუსიკალურ ნამუშევრებს აანონონსებს

„ახლა მხიარულებისათვის მზად ვარ და ვფიქრობ, ხალხს ეს მოეწონება”

ნოემბერში Apple TV+-ზე სელენა გომესის შესახებ გადაღებული დოკუმენტური ფილმის,  My Mind & Me პრემიერა შედგა. დეკემბერში კი ვარსკვლავმა ამავე  სახელწოდების სიმღერის მუსიკალური ვიდეო გაავრცელა. 

სელენა გომესი The Tonight Show-ში იყო მიწვეული. გადაცემის წამყვანთან, ჯიმი ფელონთან საუბრისას აღნიშნა, რომ მუსიკალურ კარიერას აგრძელებს და ახალ სიმღერებზე მუშაობს. როგორც გომესმა თქვა, აპირებს თავის ნამუშევრებში მხიარული და საზეიმო განწყობა დააბრუნოს. 

სელენა გომესის ბოლო სტუდიური ალბომი, სახელწოდებით Rare, 2020 წელს გამოვიდა. ალბომი Billboard 200-ის ჩარტებში პირველ ადგილს იკავებდა. 

„სევდიანი სიმღერების წერას მივეჩვიე, მაგრამ ახლა მხიარულებისათვის მზად ვარ და ვფიქრობ, ხალხს ეს მოეწონება” – თქვა მომღერალმა. 

როგორც ვარსკვლავმა აღნიშნა, 2023 წელი მისთვის საკმაოდ დატვირთული იქნება. სელენა გომესი დეტექტიურ სერიალში, სახელწოდებით Only Murders in the Building, ერთ-ერთ მთავარ როლს ასრულებს. იგი პარტნიორობას სტივ მარტინს და მარტინ შორტს უწევს. გომესმა გადაცემის მსვლელობისას თქვა, რომ 2023 წლის იანვარში სერიალის მე-3 სეზონის გადაღებები დაიწყება.

ვარსკვლავმა საქველმოქმედო და საზოგადოებრივ საქმიანობაზეც ისაუბრა. „ვიცი, რომ ამ ბრძოლას  სიცოცხლის ბოლომდე გავაგრძელებ. ვფიქრობ, მენტალური ჯანმრთელობა უაღრესად მნიშვნელოვანია და მას დიდი ყურადღება უნდა დაეთმოს.“

იხილეთ ვიდეო:

Share
Tweet
Share
Share
Share

წინა სტატია

Red Hot Chili Peppers-ის Californication Youtube-ის „მილიარდნახვიანთა კლუბს” შეუერთდა

შემდეგი სტატია

ჯგუფმა Backstreet Boys საშობაო სიმღერაზე გადაღებული ანიმაციური ვიდეო წარადგინა

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი