გილიერმო დელ ტორომ ტეილორ სვიფტისადმი აღფრთოვანება საჯაროდ გამოხატა

რეჟისორმა აღნიშნა, რომ ორივე მათგანს ზღაპრებისადმი სიყვარული აერთიანებს.

ცოტა ხნის წინ, ტეილორ სვიფტმა გაამხილა, რომ მისი საყვარელი კინორეჟისორი გილიერმო დელ ტოროა. მალევე დელ ტორო სვიფტის ამ ნათქვამს გამოეხმაურა და გრემის მფლობელი ვარსკვლავისადმი საპასუხო სიყვარული საჯაროდ აღნიშნა. 

ის ძალიან ნიჭიერია. ბოლომდე იაზრებს და გრძნობს იმას, რასაც აკეთებს. მისით ნამდვილად აღფრთოვანებული ვარ. ჩვენ ერთმანეთთან სტიმულის მომცემი დიალოგი არაერთხელ გვქონია“ – რეჟისორმა W Magazine-თან ინტერვიუში აღნიშნა. 

დელ ტორომ ასევე აღნიშნა,  რომ მას და სვიფტს არაერთი „საერთო ინტერესი“ აქვთ, მათ შორის – ზღაპრების სიყვარული. „მისი ინტერესი იგავების, მითების და ზღაპრების წარმომავლობისადმი ძალიან ღრმაა. მე მას რამდენიმე წიგნი მივეცი, რომელიც ვიფიქრე, დააინტერესებდა. მათ შორის იყო The Science of Fairy Tales – წიგნი, რომელიც Pan’s Labyrinth-ის შექმნისას ძალიან გამომადგა.“ – თქვა გილიერმო დელ ტორომ.  

გამოცემა The Hollywood Reporter-მა გართობის ინდუსტრიაში წლის ყველაზე გავლენიანი ქალები დაასახელა. ერთ-ერთი მათგანი ტეილორ სვიფტია. ჟურნალთან საუბრისას, მომღერალმა თქვა, რომ რეჟისორი გილიერმო დელ ტორო არის ის ცნობილი ადამიანი, ვის ადგილასაც ყოფნას ისურვებდა.  

წარმოიდგინეთ, გქონდეთ ასეთი წარმოსახვის უნარი, ასეთი ვიზუალური ლექსიკონი და ამგვარი საოცარი ნამუშევრები. მას მრავალფეროვანი თხრობის სტილი აქვს და ამავდროულად ახერხებს, თითოეულ ფილმს გამორჩეული ხელწერა დაატყოს. იგრძნობა, რომ იგი ჯერ კიდევ ცნობისმოყვარეობითა და ენთუზიაზმით ეკიდება თავის ნამუშევრებს” – აღნიშნა ტეილორ სვიფტმა რეჟისორზე საუბრისას.

Share
Tweet
Share
Share
Share

წინა სტატია

The Weeknd-ის მუსიკალურ ვიდეოს Save Your Tears, Youtube-ზე 1 მილიარდზე მეტი ნახვა აქვს

შემდეგი სტატია

რიანა Marvel Studio-ს, Black Panther 2: Wakanda Forever-ის პრემიერაზე, 2022 წლის 26 ოქტომბერი, ჰოლივუდი. ფოტო: აქსელ-ბაუერ-გრიფინი

ნახეთ რიანას, Tems-ის და სხვა არტისტების რეაქცია, ოქროს გლობუსის ნომინაციებზე

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი