ამერიკულ იუმორზე დიდი გავლენისათვის, ადამ სენდლერი „მარკ ტვენის პრიზს“ მიიღებს

სენდლერი SNL-ის შემოქმედებითი შემადგენლობის მეშვიდე წევრია, რომელიც ამ პრიზის მფლობელი იქნება.

მსახიობი ადამ სენდლერი „მარკ ტვენის პრიზს“ მიიღებს. მსახიობს აღნიშნული ჯილდო ამერიკულ იუმორზე დიდი გავლენის აღსანიშნავად გადაეცემა. დაჯილდოების ცერემონია 2023 წლის 19 მარტს ვაშინგტონში, Сennedy Center-ის საკონცერტო დარბაზში გაიმართება. 1991-დან 1995 წლამდე ადამ სენდლერი ტელეარხ NBC-ის ცნობილი კომედიური სატელევიზიო პროექტის – Saturday Night Live-ის გუნდის წევრი იყო. „მარკ ტვენის პრიზი“ სხვადასხვა დროს, NBC’s Saturday Night Live-ის სხვადასხვა წევრებსაც გადაეცათ. მათ შორის ვხვდებით ისეთ ვარსკვლავებს, როგორებიც არიან: ბილ კრისტალი, თინა ფეი, უილ ფერელი, ედი მერფი, ბილ მიურეი.

„სამ ათწლეულზე მეტია, რაც ადამ სენდლერი ფილმებით, მუსიკალური ნომრებითა და SNL-ის სკეტჩებით, მაყურებლის აუდიტორიას ართობს. ამ დროის განმავლობაში, სენდლერმა შექმნა პერსონაჟები, რომლებიც გვაცინებენ, გვატირებენ და ზოგჯერ ორივე ერთად – სიცილისაგან გვატირებენ.“ – აღნიშნა ვაშინგტონის „კენედის ცენტრის“ პრეზიდენტმა დებორა რატერმა. 

ადამ სენდლერის შემოქმედებითი კარიერა 30 წელზე მეტს ითვლის. სენდლერმა დიდ წარმატებას მიაღწია, როგორც კომედიანტმა, მსახიობმა, მწერალმა, პროდიუსერმა და მუსიკოსმა. მისი ფილმოგრაფია აერთიანებს არაერთ ისეთ  ცნობილ კინოსურათს, რომლებიც გლობალური კინოგაქირავების ლიდერი გახდა და 3 მილიარდ დოლარზე მეტი შემოსავალი მიიღო.

შემოქმედებითი მოღვაწეობისათვის სენდლერს მიღებული აქვს  People’s Choice Awards-ის ცხრა, MTV Movie Awards-ის ხუთი და Kids Choice Awards-ის ათი ჯილდო. სხვადასხვა დროს, მსახიობმა ასევე დაიმსახურა Golden Globe-ის,  Emmy-ის და Grammy-ის დაჯილდოებების არაერთი ნომინაცია. 

სენდლერმა თავისი ადგილი Billboard-ის ჩარტებშიც დაიმკვიდრა. კომედიური ალბომები, They’re All Gonna Laugh at You! და What the Hell Happened to Me? ერთი წლის განმავლობაში  Billboard 200-ის ჩარტებში მოხვდა. 

რაც შეეხება თავად დაჯილდოების ჩატარების ადგილს, John F. Kennedy Center ვაშინგტონში მდებარე ერთ-ერთი მთავარი სახელოვნებო სივრცეა, სადაც ყოველწლიურად ორი ათასამდე წარმოდგენა იმართება და დაახლოებით ორ მილიონამდე მაყურებელი ესწრება.  

Share
Tweet
Share
Share
Share

წინა სტატია

Pink და უილოუ ჰარტი Super Bowl LII Pregame-ს შოუზე, 2018 წლის 4 თებერვალი. ფოტო: კევინ მაზური

P!nk-ის თერთმეტი წლის ქალიშვილმა სიმღერის  შესრულების დროს  შესანიშნავი ვოკალური მონაცემები გამოავლინა

შემდეგი სტატია

Stray Kids — სამხრეთ კორეული ბენდი, 2022 წლის 13 ივლისი. ფოტო: სამ კიმი

Billboard-ის 2022 წლის საუკეთესო ფოტოები

შეიძლება დაგაინტერესოთ

დისნეი ჯუნიორის „არიელი” პატარა ქალთევზას სრულიად ახალ, მცირეწლოვან აუდიტორიას წარუდგენს

ანიმაციური სერიალის შესახებ „ბილბორდი” მის პროდიუსერსა და მთავარი როლის შემსრულებელს ესაუბრა.
მეტი

სელინ დიონმა ცრემლები ვერ შეიკავა, როცა ფილმის პრემიერაზე მაყურებელი ფეხზე წამოუდგა

დოკუმენტური ფილმი, სახელწოდებით I Am: Celine Dion, გაშეშებული ადამიანის სინდრომთან მომღერლის ბრძოლას ასახავს.
მეტი
ელტონ ჯონი გამოსამშვიდობებელ Farewell Yellow Brick Road ტურნეზე, 2022 წლის 17 ნოემბერი, დოჯერის სტადიონი, ლოს-ანჯელესი. ფოტო: სკოტ დუდელსონი

ელტონ ჯონის ახალი დოკუმენტური ფილმის დებიუტი ტორონტოს საერთაშორისო კინოფესტივალზე შედგება

ახალი პროექტი ელტონ ჯონის ბოლო ტურნეს მოჰყვება, რომლის შემდეგაც მუსიკოსის ქონებამ 900$ მილიონზე მეტს მიაღწია.
მეტი

ფარელ უილიამსის ანიმაციურ-ბიოგრაფიული ფილმის თრეილერში ფარელს, Jay-Z-ის და კენდრიკ ლამარს ლეგოს სახით იხილავთ

ანიმაციურ - ბიოგრაფიულ ფილმში Piece by Piece გვენ სტეფანი, Snoop Dogg და ჯასტინ ტიმბერლეიკიც მონაწილეობენ.
მეტი
ტიმოთი შალამე Dune-ის მეორე ნაწილის პრემიერაზე, 2024 წლის 25 თებერვალი, ნიუ იორკი.

ტიმოთი შალამე ბობ დილანის როლში, ფოტოები ფილმ A Complete Unknown-ის გადასაღები მოედნიდან

ჯეიმს მანგოლდის მიერ გადაღებულ ბობ დილანის ბიოგრაფიულ ფილმში ელ ფენინგი, მონიკა ბარბარო, ედ ნორტონი და ნიკ ოფერმანი თამაშობენ
მეტი