Sia-მ რეალითი შოუ Survivor-ის კონკურსანტებს ფულადი პრიზი გადასცა

მომღერალმა ის მონაწილეები დააჯილდოვა, ვინც მთავარი პრიზის მოგება ვერ შეძლეს.

მომღერალმა Sia-მ რეალითი შოუს, Survivor-ის 43-ე სეზონში რამდენიმე მონაწილეს მოულოდნელი საჩუქარი გაუკეთა. მომღერალმა თავის რჩეულ სამ კონკურსანტს, რომლებიც დამარცხდნენ, 200 ათასი დოლარი გაუნაწილა. Survivor ტელეარხ CBS-ის პროექტია. შოუს მონაწილეები ერთმანეთს მთავარი პრიზის – 1 მილიონი დოლარის მოგებისათვის ეჯიბრებიან. ამ სეზონის გამარჯვებული 14 დეკემბერს დასახელდა. 

რჩეული კონკურსანტების დაჯილდოების შესახებ გადაწყვეტილება Sia-მ Entertainment Weekly-ის მიერ გამოქვეყნებულ ვიდეოში გაახმოვანა. მომღერალმა ერთ-ერთ მონაწილეს 100 ათასი დოლარი აჩუქა, ხოლო დანარჩენი ორი კონკურსანტი 50-50 ათასი დოლარით დაასაჩუქრა.

Sia-მ ასევე ახსნა, ეს კონკურსი მისთვის ასეთი ემოციური რატომ აღმოჩნდა. როგორც მომღერალმა აღნიშნა, ის ყოველთვის მიჩვეული იყო დაჩაგრულისა და გარიყულის პოზიციაში ყოფნას. 

მომღერალმა თავის რჩეულ მონაწილეთაგან ერთ-ერთს, ოუენ ნაითს მიმართა: „შენ ყველა დაჩაგრულის სახელით ისაუბრე. როდესაც სხვა ადამიანები იმას ამბობენ, რასაც მე ვგრძნობ, ან ვგულისხმობ, თავს ამაყად ვგრძნობ.“

Entertainment Weekly-ისთან საუბრისას, Survivor-ის წამყვანმა, ჯეფ ფრობსტმა Sia-ს გადაწყვეტილება შეაფასა. როგორც მან აღნიშნა, არსებობს ორი მიზეზი, რის გამოც Sia ასეთი გულუხვია, როცა საქმე კონკურსს ეხება. „მას მოსწონს, თუ როგორ ერთვებიან მონაწილეები ცხოვრებისეულ თავგადასავალში. გარდა ამისა, მას ძალიან გაუმართლა კარიერაში და სურს, რომ ეს იღბალი  სხვასაც გაუნაწილოს.“

Sia პროექტ Survivor-ის თაყვანისმცემელია. აღსანიშნავია ისიც, რომ ეს პირველი შემთხვევა არ არის, როდესაც ვარსკვლავმა თავისი რჩეული კონკურსანტები სოლიდური ფულადი პრიზით დააჯილდოვა. 

ნახეთ Sia-ს ვიდეო, რომლითაც მომღერალმა რეალითი შოუში მონაწილე თავის რჩეულ კონკურსანტებს მიმართა:

Share
Tweet
Share
Share
Share

წინა სტატია

გიორგი ერგემლიძის ახალი ვიდეოკლიპი

შემდეგი სტატია

სკაი ფერეირა

2022 წლის ოცი გამორჩეული პოპ სიმღერა, რომელიც შესაძლოა ჯერ კიდევ არ მოგისმენიათ

შეიძლება დაგაინტერესოთ

The Weeknd-მა ხანძრის შედეგად დაზარალებული ლოს-ანჯელესის დასახმარებლად 1 მილიონი დოლარი გაიღო

უფრო ადრე, არტისტმა ლოს-ანჯელესში დაგეგმილი მუსიკალური შოუ გააუქმა და ალბომის გამოცემა გადადო.
მეტი

რეჟისორი დევიდ ლინჩი 78 წლის ასაკში გარდაიცვალა

ლინჩის პროექტები სხვადასხვა დროს Billboard-ის ჩარტებშიც მოხვდა. მან ასევე იმუშავა მუსიკალურ ვიდეოებზე. მათ შორის არის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
მეტი

ბობ დილანი ტიკტოკს შეუერთდა

ფანების ყურადღება აპლიკაციაში მუსიკოსის დაგვიანებულმა გამოჩენამ მიიქცია - რამდენიმე დღით ადრე აშშ-ში ტიკტოკის მოსალოდნელ აკრძალვამდე.
მეტი