ლას ვეგასის ახალი წლის შოუს შემდეგ ადელმა მაყურებელს გაუმხილა, რომ იგი იშიასით იტანჯება.
„ეს დღეები ძლივს დავდივარ. საკმაოდ რთული ფორმის იშიასი მაქვს” – თქვა მომღერალმა.
იშიასი საჯდომი ნერვის ანთებაა, რომელიც ერთ-ერთი ყველაზე დიდი ნერვია ორგანიზმში. ის იწყება ქვედა წელიდან და ორივე ფეხს მიჰყვება. ადელს ზურგის პრობლემები მანამდეც ხშირად ჰქონია. „ზურგის ტკივილში ალბათ ცხოვრების ნახევარი გავატარე… მართლა” – ამბობდა ადელი 2021 წელს. „ის მწვავდება სტრესის ან ცუდ პოზაში ყოფნის დროს.”
„პირველი პრობლემა 15 წლის ასაკში დამეწყო – ცემინებით. საწოლში ვიყავი და დავაცემინე. სწორედ ამ დროს ხერხემლის მეხუთე დისკი ამომივარდა.”
თუმცა ჯანმრთელობის პრობლემებს მომღერლის მიმდინარე პროექტებისთვის ხელი არ შეუშლია. სოციალურ ქსელში ადელმა 2022 წლის ბოლო კონცერტის ფოტოები გააზიარა და გამომწერებს ახალი წელი მიულოცა.
ნახეთ ადელის საახალწლო პოსტი
Weekend 7
— Adele (@Adele) January 1, 2023
Happy New Year to You and Yours ♥️ pic.twitter.com/uKMto32POV
