ცნობილია, რომ მაილი საირუსი და სელენა გომესი ერთმანეთის გულშემატკივრები არიან.
მაილი საირუსმა ხუთშაბათს ინსტაგრამზე რიგით მერვე სტუდიური ალბომის, Endless Summer Vacation-ის გამოსვლა დააანონსა, რომელიც 10 მარტს გამოვა. მომღერალმა ალბომის გარეკანიც გააზიარა.
ორივე მომღერალმა კარიერა Disney-ს არხიდან დაიწყო. მაილი საირუსი პოპულარული ამერიკული, თინეიჯერული ტელესერიალით Hannah Montana (ჰანა მომნტანა) გახდა. ამავე ტელესერიალში სელენა გომესი მიკაილას როლს ასრულებდა. სელენა გომესს კი დიდი წარმატება სერიალ Wizards of Waverly Place-ში განსახიერებულმა როლმა მოუტანა.
პრეს-რელიზის თანახმად მაილი საირუსის ალბომი Endless Summer Vacation მომღერლის 2020-წლის LP Plastic Hearts-ის შემდეგ ლოს-ანჯელესში, პროდიუსერებთან ერთად ჩაიწერა. მაილი საირუსის თქმით ახალი ალბომი ლოს-ანჯელესს ეძღვნება.
NBC-ის საახალწლო ღონისძიებაზე მაილი საირუსმა მისი ახალი სინგლის Flowers-ის გამოცემაც დააანონსა, რომელიც ცამეტ იანვარს გამოვა.
