„წინანდლის ფესტივალის“ მუსიკალურ ხელმძღვანელს, მაესტრო ჯანანდრეა ნოზედას საუკეთესო დირიჟორის ჯილდო გადაეცა

წინანდლის მუსიკალური ფესტივალის 2023 წლის სეზონზე ჯანანდრეა ნოზედა ორ დიდ კონცერტს უდირიჟორებს.
ჯანანდრეა ნოზედა წინანდლის ფესტივალზე .Medici.tv.

OPER! AWARDS კლასიკური მუსიკის ერთ-ერთი წამყვანი საერთაშორისო დაჯილდოებაა, რომელიც ყოველწლიურად სხვადასხვა ნომინაციაში გამარჯვებულ ხელოვანებს ავლენს. 27 თებერვალს, „დორტმუნდის თეატრში“ OPER! AWARDS-ის 2023 წლის დაჯილდოების საზეიმო ცერემონია გაიმართა. ცერემონიაზე „ციურიხის ოპერის“ მუსიკალურ დირექტორს, ჯანანდრეა ნოზედას წლის საუკეთესო დირიჟორის ჯილდო გადაეცა. 

ჯანანდრეა ნოზედასთვის გადაცემული ეს პრესტიჟული ჯილდო ქართული სახელოვნებო სივრცისათვისაც საკმაოდ მნიშვნელოვანი მოვლენაა – მაესტრო ჯანანდრეა ნოზედა უკვე არაერთი წელია წინანდლის კლასიკური მუსიკის ფესტივალის მუსიკალური ხელმძღვანელის პოზიციას იკავებს. 

ჯანანდრეა ნოზედა და დავით საყვარელიძე

დავით საყვარელიძე, წინანდლის ფესტივალის გენერალური დირექტორი:

ეს მთელი მსოფლიოს მასშტაბით ძალიან პრესტიჟული ჯილდოა  და განსაკუთრებით გვახარებს ის ფაქტი, რომ ასეთი აღიარებული ხელოვანი  „წინანდლის ფესტივალის“ მუსიკალური ხელმძღვანელია. ჩვენთვის კიდევ ერთი გამარჯვებაა, რომ ამგვარი რანგის დირიჟორი საქართველოში მოღვაწეობს. აღსანიშნავია, რომ ფესტივალის წლევანდელ სეზონზე ჯანანდრეა ნოზედა ორ დიდ კონცერტს უხელმძღვანელებს. მისი პირველი კონცერტი წინანდალში 31 აგვისტოს გაიმართება. OPER! AWARDS-ის ეს ჯილდო და მისი აღიარება ყველა ჩვენგანის დიდი გამარჯვებაა. უნდა აღვნიშნო, რომ  ნოზედას თანამშრომლობა „წინანდლის ფესტივალთან“ განპირობებულია ფესტივალის დამფუძნებლის, გიორგი რამიშვილის უშუალო ჩართულობით. ვულოცავთ ჯანანდრეა ნოზედას ამ გამარჯვებას – ვულოცავ იმ ფესტივალის გუნდის სახელით, რომლისთვისაც კლასიკური მუსიკის განვითარება უმნიშვნელოვანესია“ 

OPER! AWARDS-ზე გადაცემული ჯილდო ჯანანდრეა ნოზედას საერთაშორისო საოპერო სივრცის წამყვანი დირიჟორის სტატუსს განამტკიცებს. წლევანდელ დაჯილდოებაზე ნოზედას აღნიშნულ სექციაში წარდგენას წინ უძღოდა ოპერის,  სახელწოდებით „ნიბელუნგის ბეჭედი“ (Ring des Nibelungen) ახალ წარმოდგენაში მონაწილეობა – სწორედ ჯანანდრეა ნოზედას დირიჟორობით მიმდინარეობდა საოპერო წარმოდგენის პირველი ორი ნაწილი.

როგორც OPER! AWARDS-ის ჟიურიმ აღნიშნა, ჯანანდრეა ნოზედა აუდიტორიას და კრიტიკოსებს თავისი სახელოვნებო შესაძლებლობებითა და ხედვით აღაფრთოვანებს. მისი დირიჟორობით შესრულებულმა ვაგნერის vaterländischer Belcanto-მ უმაღლესი შეფასებები დაიმსახურა –  „დიდი ხანია ცნობილია, რომ ნოზედა იტალიურ საოპერო რეპერტუარს სრულიად ფლობს. ის ასევე ცნობილია ფრანგული და რუსული ოპერების დირიჟორობის ნიჭით. ახლა „ციურიხის ოპერაში“ კი  მან დაამტკიცა, რომ ჭეშმარიტად ვაგნერის ღირსეული მიმდევარია.“ – აღნიშნულია OPER! AWARDS-ის ჟიურის განცხადებაში.

OPER! AWARDS  კლასიკური მუსიკის სფეროში მოღვაწე წამყვან ხელოვანებს 20 სხვადასხვა კატეგორიაში ყოველწლიურად ავლენს. 

OPER! AWARDS -ზე მოპოვებული გამარჯვებით, ჯანანდრეა ნოზედას პერსონა კიდევ ერთხელ მოხვდა საერთაშორისო კლასიკური მუსიკის სამყაროს ყურადღების ცენტრში. ეს კი თავის მხრივ, „წინანდლის ფესტივალის“ კიდევ მეტად გაზრდილ  საერთაშორისო  ავტორიტეტს განაპირობებს. Billboard Georgia, როგორც ქართულ მუსიკალურ ინდუსტრიაზე ფოკუსირებული მედია პლატფორმა, ულოცავს ჯანანდრეა ნოზედას და მასთან ერთად წინანდლის კლასიკური მუსიკის ფესტივალს ამ მნიშვნელოვან საერთაშორისო წარმატებს. 

Share
Tweet
Share
Share
Share

წინა სტატია

გარდაიცვალა ლეგენდარული ჯაზმუსიკოსი თამაზ ყურაშვილი (თათუზა) 

შემდეგი სტატია

The Weeknd სტრიმინგ სერვის Spotify-ის რეიტინგების ლიდერი არტისტია

შეიძლება დაგაინტერესოთ

პოლ მაკარტნი Yesterday-ს ტექსტის შთაგონების გულდასაწყვეტ მომენტს იხსენებს: „მხოლოდ რეტროსპექტივაში შეგიძლია, ეს დააფასო”

A Life in Lyrics პოდკასტში მომღერალი საუბრობს ფრაზაზე: I said something wrong, now I long for yesterday და სინანულით იხსენებს მისი დაწერის ისტორიას.
მეტი

ნიკ ჰადსონი – საქართველოში მცხოვრები ბრიტანელი მუსიკოსის შემოქმედება და ხევსურეთისთვის მიძღვნილი სიმღერა

„ხევსურეთი ყველაზე ტრანსცენდენტური, თავბრუდამხვევი და ლამაზი ადგილია, რაც კი ოდესმე მინახავს და გადავწყვიტე, ამ სიმღერით მისთვის პატივი მიმეგო.”
მეტი
კანიე უესტი 2022/20223 წელს პარიზის მოდის კვირეულზე. ფოტო: სტეფანე კარდინალე

დონა სამერის სააგენტო კანიე უესტს უჩივის

ამერიკელი დისკო-ლეგენდის დონა სამერის ქონების წარმომადგენლების თქმით, კანიე უესტმა „თავხედურად და თვითნებურად“ გამოიყენა სამერის მუსიკა მას შემდეგ, რაც ლიცენზიაზე უარი მიიღო.
მეტი
ნატალია ნაყოფია

„მთავარია შთაგონება და ემოცია იყოს და ემოცია სადაც არის, იქ სიმღერა აუცილებლად იწერება.“ – ნატალია ნაყოფია

24 თებერვალს ნატალია ნაყოფიამ „დედაენა ბარში“ კონცერტი გამართა, სადაც ძველ სიმღერებთან ერთად მუსიკოსმა ახალი პროექტიდანაც შეასრულა სიმღერები.
მეტი

გიორგი რამიშვილი: „მჯერა, „ევროპაკონცერტის” შემდეგ საქართველო უფრო ახლოს იქნება ევროპასთან და ევროპა – საქართველოსთან”

„ევროპაკონცერტის” იდეა უკავშირდება ბერლინის ფილარმონიული ორკესტრის დაარსების თარიღს – 1882 წლის 1-ელ მაისს.
მეტი