მას შემდეგ, რაც ადამ ლევინსა და ბეატი ბრინსლუს მესამე შვილი შეეძინათ, მომღერალმა პირველად ისაუბრა მათ ხუთწევრიან ოჯახზე. „ეს საოცარია. Მე მიყვარს ქაოსი.”
მესამე შვილის შეძენა წყვილს საჯაროდ არ განუცხადებია და არც ბავშვის სქესი და სახელი გაუმხელიათ. მათი უფროსი ქალიშვილები 6 და 4 წლის არიან.
ადამ ლევინმა ისიც გაამხილა, რომ ოჯახისთვის უფრო დიდი და არც ისე ძვირფასი ტრანსპორტის შეძენა უნდა. „Ძალიან მინდოდა მინივენი, მაგრამ ეს იდეა ჩამიხშეს,” – ამბობს მომღერალი და ხსნის, თუ რატომ ფიქრობს, რომ ოჯახური ტრანსპორტი შესაძლოა სულაც არ იყოს ნაკლებად მოდური. „შეგიძლია შენი მინივენი იმად გადააქციო, რადაც გინდა. ეს არ ნიშნავს, რომ ის აუცილებლად დედაშენის კრაისლერი უნდა იყოს. ის შეიძლება მხიარულების ხომალდად იქცეს.”
Victoria’s Secret-ის მოდელმა სექტემბერში გაამხილა, რომ ის და ადამ ლევინი მესამე შვილს ელოდებოდნენ. ახალმა ამბავმა ცნობილი სკანდალი გადაფარა, რომელშიც ადამ ლევინი გაეხვა. მოდელმა სამნერ სტრომ მომღერალთან სასიყვარულო მიმოწერა გამოაქვეყნა. მოდელი ამბობდა, რომ Maroon 5-ის სოლისტს ერთი წლის განმავლობაში ხვდებოდა. ივნისში კი ლევინმა მას სთხოვა, რომ მომავალ ბავშვს სამნერს დაარქმევდა.
ადამ ლევინმა რომანი უარყო. „რომანი არ მქონია, თუმცა ზღვარს გადავაბიჯე ჩემი ცხოვრების იმ პერიოდში, რომელსაც ვნანობ. რაღაც დონეზე ეს უკვე მიუღებელი გახდა. ეს გავაცნობიერე და ამის გამოსასწორებლად ჩემს ოჯახთან აქტიური ნაბიჯები გადავდგი. ჩემი მეუღლე და ოჯახი ერთადერთია, რაც ამ სამყაროში მაინტერესებს. იმდენად გულუბრყვილო და სულელი ვიყავი, რომ ის ერთადერთი რამ გავრისკე, რაც ჩემთვის მნიშვნელოვანია. ეს ყველაზე დიდი შეცდომა იყო. ამას აღარასდროს გავაკეთებ.” – წერდა მომღერალი ინსტაგრამის გვერდზე.
ნახეთ ადამ ლევინის ინტერვიუ
