ჯასტინ ტიმბერლეიკმა ვოკალისტების გუნდის გარდაცვლილი მომღერლის, ნიკოლ ჰერსტის სახელობის სტიპენდია დააწესა

სტიპენდია ორ სტუდენტს საშუალებას მისცემს, რომ ცნობილ მუსიკის სასწავლებელში 1500 Sound Academy-ში დაფინანსებით ისწავლონ.
ფოტო: Courtesy 1500 Sound Academy


ჯასტინ ტიმბერლეიკმა „ნიკოლ ჰერსტის სახელობის სტიპენდია“  დააწესა.სტიპენდია ორ სტუდენტს საშუალებას მისცემს, რომ ცნობილ მუსიკის სასწავლებელში 1500 Sound Academy-ში დაფინანსებით ისწავლონ. 1500 Sound Academy ერთ-ერთი ყველაზე ავტორიტეტული თანამედროვე მუსიკის აკადემიაა. მისი ფილიალები კალიფორნიასა და ტაივანის დედაქალაქ ტაიპეიში მდებარეობს. სტიპენდია ტიმბერლეიკის ვოკალისტების გუნდის ერთ-ერთი წევრის, ნიკოლ ჰერსტის ხსოვნას ეძღვნება. ჰერსტი 2021 წელს მკერდის კიბოს დიაგნოზით გარდაიცვალა.

ჩვენი ტენესელი მეგობრის ხსოვნისათვის. იმ ქალისათვის, რომელიც მუსიკით ცხოვრობდა. ერთ-ერთი ყველაზე გამორჩეული ხმისა და ღიმილის პატრონის ხსოვნისათვის, რომელიც სამყაროს ოდესმე უნახავს – მოხარულები ვართ გამოვაცხადოთ –  „ნიკოლ ჰერსტის სახელობის სტიპენდია“ ორ ახალგაზრდა შემოქმედს დააფინანსებს, რომ 1500 Sound Academy-ის კურსი გაიაროს.“ – აღნიშნა ჯასტინ ტიმბერლეიკმა ინსტაგრამზე გამოქვეყნებული ვიდეოს აღწერაში. ვიდეოში მომღერალი ამ სტიპენდიაზე და მის შესაძლებლობებზე საუბრობს. „ნიკოლის ხსოვნა მუდამ იარსებებს.“- წერს მომღერალი.

გამოქვეყნებულ ვიდეოში ჯასტინ ტიმბერლეიკი სიმღერების ავტორ ჯეიმს ფონტლეროისთან და ლარენს „რენს“ დოპსონთან ერთად გამოჩნდა. ორივე მათგანი გრემის მფლობელი მუსიკოსია და ისინი 1500 Sound Academy-ს უძღვებიან. 

სტიპენდიის მიღების მსურველებმა განაცხადის 2023 წლის 26 აპრილამდე უნდა შეიტანონ. ორი გამარჯვებული 13 მაისს გამოვლინდება.

ნახეთ ვიდეო, რომელშიც ჯასტინ ტიმბერლეიკი „ნიკოლ ჰერსტის სახელობის სტიპენდიის“ შესახებ საუბრობს:

Share
Tweet
Share
Share
Share

წინა სტატია

Asea Sool ხელოვნური ინტელექტის მიერ შექმნილ ვიდეოკლიპს აზიარებს

შემდეგი სტატია

ლედი გაგა ხელოვნებისა და ჰუმანიტარული მეცნიერებების საპრეზიდენტო კომიტეტის თანახელმძღვანელად დასახელდა

შეიძლება დაგაინტერესოთ

ქართული მუსიკალური სივრცეები, ფესტივალები და კოლექტივები ერთობლივ განცხადებას ავრცელებენ

„გვჯერა, რომ ნებისმიერ სფეროში დამყარებულ პროფესიულ და მეგობრულ კავშირებს, თავისი წვლილი შეაქვს საქართველოს ისტორიულად მთავარი, და კონსტიტუციურად დაცული მიზნის მიღწევაში,”- ვკითხულობთ განცხადებაში.
მეტი

საქართველოს დამოუკიდებლობის დღესთან დაკავშირებით ნიუ-იორკის ჯაზ-კლუბ Nublu-ში ხონძი და მისი მეგობრები კონცერტს გამართავენ

26 მაისს, საქართველოს დამოუკიდებლობის დღესთან დაკავშირებით, ამერიკის ქალაქ ნიუ-იორკში ქართველი მუსიკოსებისა და მათი მეგობრების კონცერტი გაიმართება. ღონისძიებაზე საქსოფონისტის…
მეტი