ლედი გაგა ხელოვნებისა და ჰუმანიტარული მეცნიერებების საპრეზიდენტო კომიტეტის თანახელმძღვანელად დასახელდა

თეთრი სახლის ოფიციალური განცხადებით, შეერთებული შტატების პრეზიდენტმა, ჯო ბაიდენმა მომღერალი ლედი გაგა ხელოვნებისა და ჰუმანიტარული მეცნიერებების საპრეზიდენტო კომიტეტის ერთ-ერთ ხელმძღვანელად დაასახელა. 

ლედი გაგა კომიტეტს ცნობილ ჰოლივუდელ პროდიუსერთან, ოსკაროსან ბრიუს კოენთან ერთად გაუძღვება.  ხელოვნებისა და ჰუმანიტარული მეცნიერებების საპრეზიდენტო კომიტეტის წევრები იქნებიან კერი ვაშინგტონი, ჯონ ბატისტი, ჯორჯ კლუნი, ჯენიფერ გარნერი, ტროი კოცური, შონდა რაიმსი, მარტა კაუფმანი და სხვა ცნობილი სახეები.

„მივესალმებით ხელოვნებისა და ჰუმანიტარული მეცნიერებების საპრეზიდენტო კომიტეტის ახლად არჩეულ წევრებს, ბრიუს კოენისა და ლედი გაგას ხელმძღვანელობით” – წერია პოსტში, რომელიც კომიტეტის ტვიტერის ოფიციალურმა ანგარიშმა გამოაქვეყნა – „მოუთმენლად ველით თქვენთან თანამშრომლობას, რათა მთელი ქვეყნის მასშტაბით დადებითი ცვლილებები შევიტანოთ ბიბლიოთეკების, მუზეუმებისა და ჰუმანიტარული მეცნიერებების მუშაობის პროცესში“ 

აღნიშნული პოსი ლედი გაგამაც გააზიარა. Პოსტის აღწერაში ვარსკვლავმა პრეზიდენტ ჯო ბაიდენს და კომიტეტს მადლობა გადაუხადა. 

 ხელოვნებისა და ჰუმანიტარული მეცნიერებების საპრეზიდენტო კომიტეტი 1982 წელს დაარსდა, როგორც პრეზიდენტის მრჩეველი ორგანო კულტურის საკითხებში.  

ნახეთ თეთრი სახლისა და ლედი გაგას მიერ ტვიტერზე გამოქვეყნებული პოსტები: 

Welcome newly appointed members of the President’s Committee on the Arts and the Humanities, led by @BruceCohen83 and @ladygaga! We look forward to partnering to positively impact the arts, libraries, museums, and humanities work across the country. https://t.co/bbhZje2Rwm

— President's Committee on the Arts and Humanities (@PCAHgov) April 13, 2023

Thank you @POTUS @PCAHgov https://t.co/saam6UjmMX

— Lady Gaga (@ladygaga) April 13, 2023