ალანის მორისეტმა სერიალ Yellowjackets-ის საუნდტრეკის ქავერ ვერსია ჩაწერა

სიმღერას, სახელწოდებით No Return, სერიალში კრეიგ უედრენი და ანა უორონკერი ასრულებენ.
ალანის მორისეტი. SHOWTIME

ალანის მორისეტმა Showtime-ის ცნობილი სერიალის, Yellowjackets-ის ახალი სეზონის საუნდტრეკის ქავერ ვერსია გაავრცელა. სიმღერას, სახელწოდებით No Return, სერიალში კრეიგ უედრენი და ანა უორონკერი ასრულებენ. ალანის მორისეტის მიერ შესრულებულ ვერსიაში კომპოზიციას განსხვავებული მუსიკალური განვითარება აქვს. 

No Return სერიალის ახალი სეზონის მეოთხე ეპიზოდში გაჟღერდა. „მომწონს სიმღერის ორიგინალური ვერსია. ის დიდებულია და შოუსათვის მისი შესრულება არაჩვეულებრივია“ – აღნიშნა ალანის მორისეტმა გამოქვეყნებულ ვიდეოში, რომელშიც კომპოზიციის ქავერ ვერსიის ჩაწერის პროცესია ასახული. 

როგორც მორისეტმა თქვა, სიმღერის ახალი ვერსიის შექმნა დიდი გამოწვევა იყო. „როცა Yellowjackets პირველად ვნახე, მან ჩემზე დიდი შთაბეჭდილება მოახდინა. ის მარტივი, ემოციური და ნამდვილი იყო“ – აღნიშნა მომღერალმა. 

ალანის მორისეტის თქმით, სერიალის პერსონაჟები კომპლექსურები არიან, რაც სერიალის ძლიერი დადებითი მხარეა. 

მორისეტმა ყურადღება გაამახვილა სიუჟეტის იმ ნაწილზე, რომელიც ქალების ტრავმებს შეეხება. „სერიალი ძალიან ღრმა და ემოციურია. ეს ხანგრძლივი როკ სიმღერასავით არის.“ სერიალი ხშირად იწვევს 90-იანი წლების ალტერნატიული მუსიკის ნოსტალგიას, რამდენადაც მასში ისეთი არტისტებისა და ბენდების სიმღერები ჟღერდება, როგორებიც არიან: Portishead, Mazzy Star, ლიზ ფეირი და სხვები.  

აღსანიშნავია, რომ Yellowjackets-ის მუსიკალურ გაფორმებაზე ცნობილმა არტისტებმა აქამდეც იმუშავეს. სერიალის მეორე სეზონის ტრეილერისათვის Florence + the Machine-მა No Doubt-ის კომპოზიციის, სახელწოდებით Just a Girl ახალი ვერსია ჩაწერა. 

ნახეთ ვიდეო, რომელშიც ალანის მორისეტი No Return-ის ქავერის შექმნის პროცესზე საუბრობს და მოუსმინეთ კომპოზიციის მისეულ ვერსიას:

Share
Tweet
Share
Share
Share

წინა სტატია

ჰავაიზე მდებარე სასტუმრო, სადაც ფილმი Blue Hawaii არის გადაღებული, თავიდან აშენდება

შემდეგი სტატია

დრეიკი ხელოვნური ინტელექტის მიერ თავისი ხმის იმიტაცით შესრულებულ სიმღერას გამოეხმაურა

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი