კიმ კარდაშიანი საქმიანობათა სიას მსახიობობას ამატებს. ცნობილი გახდა, რომ კარდაშიანი მე-12 სეზონიდან ცნობილ სერიალს – American Horror Story-ს შეუერთდება. როგორც The Hollywood Reporter წერს, როლი, რომელსაც ის შეასრულებს, სპეციალურად მისთვის დაიწერა.
„კიმი მსოფლიოში ერთ-ერთი ყველაზე დიდი და კაშკაშა სატელევიზიო ვარსკვლავია და ძალიან გვიხარია, რომ იგი ჩვენს ოჯახს შემოუერთდა” – აღნიშნავს სერიალის შემქმნელი რაიან მერფი. „ემა რობერტსი და მე აღფრთოვანებული ვართ მასთან თანამშრომლობით. Ჰოლი ფაიფერმა ძალიან სახალისო, მოდური და უკიდურესად საშიში როლი დაწერა სპეციალურად კიმისთვის. ეს სეზონი ყველაზე ამბიციური სეზონი იქნება მათ შორის, რაც კი აქამდე შეგვიქმნია.”
ახალი სეზონის გადაღებები ნიუ-იორკში აპრილის მეორე ნახევრიდან დაიწყება. პრემიერა კი ზაფხულში შედგება.
კიმ კარდაშიანს მონაწილეობა აქვს მიღებული შოუებში How I Met Your Mother, 2 Broke Girls და Paw Patrol, თუმცა American Horror Story დღემდე მისი ყველაზე დიდი როლი იქნება.
ვარსკვლავმა ახალი ამბავი გამომწერებს ინსტაგრამზე გამოქვეყნებული პატარა ვიდეოთი გაუზიარა.
ნახეთ კარდაშიანის პოსტი
