მუსიკოსმა Lua-მ ახალი EP სახელწოდებით „Fuck.“ გამოუშვა. Ordinary Words, Fuck., Aquarium ( feat. Giorgi Khvitia) – ასე ჰქვია კომპოზიციებს, რომლებიც EP-მ გააერთიანა.
Lua-მ ცოცხალი სესია გამოაქვეყნა, რომელშიც მუსიკოსი EP-ში შესულ ერთ-ერთ სიმღერას – Ordinary Words-ს ასრულებს. ვიდეო არტისტის სახლშია ჩაწერილი და როგორც თავად Lua ამბობს, რეალურად ის რეპეტიციას ასახავს.
Lua:
„ეს ვიდეო მაშინ ჩაიწერა, როცა EP-ზე მუშაობა დიდი ხნის დასრულებული მქონდა. რეალურად ის რეპეტიციის დროს არის გადაღებული, როცა დაგეგმილი კონცერტისათვის ვემზადებოდი. ჩემს მეგობრისაგან, სანდრო ბიბიჩასგან ვითხოვე ვოკალის პროცესორი, რომელიც ხმებში შლის და ჩანაწერში სწორედ აღნიშნულ პროცესორში ვმღერი. ვიდეო ჩემმა შეყვარებულმა ძალიან სპონტანურად გადაიღო. ჩანაწერს ეტყობა კიდევაც, რომ ძალიან ბუნებრივია და დადგმული არ არის. გადაღებული მასალა რომ ვნახეთ, მოგვეწონა და ასევე სპონტანურად გადავწყვიტეთ მისი გამოქვეყნება.“
რაც შეეხება EP-ის, „Fuck.“ უკვე ხელმისაწვდომია მუსიკალურ სტრიმინგ პლატფორმებზე. როგორც Lua ნამუშევარზე საუბრისას აღნიშნავს, EP-ში შესული ყველა სიმღერა ჟღერადობით განსხვავდება და თითოეული მათგანი პერსონალური შინაარსის და ისტორიის მატარებელია.
მოუსმინეთ Lua-ს ახალ EP-ის სახელწოდებით – Fuck.:
