Fox Entertainment-მა გაამხილა, რომ მან დეტალურად შეისწავლა ბრიტნი სპირსის ცხოვრება 13-წლიანი მეურვეობის შემდეგ და ამის შესახებ დოკუმენტური ფილმი მოამზადა. Მათი თქმით, ფილმი სახელწოდებით Britney Spears: The Price Of Freedom გვაჩვენებს „დეტალებს მომღერლის პრობლემური ქორწინების, ოჯახისგან განდგომის, საგანგაშო საქციელისა და იმის შესახებ, თუ როგორ ახერხებს სპირსი მუსიკალურ ინდუსტრიაში მტკიცედ დარჩენას.”
თავად პოპვარსკვლავს არაერთხელ გაუჟღერებია, თუ რამდენად არ უყვარს მის ცხოვრებასა და მეურვეობაზე შექმნილი დოკუმენტური ფილმები. ნოემბერში მან ტვიტერზე დაწერა და შემდეგ წაშალა პოსტი იმის შესახებ, თუ როგორ წარმოაჩენენ მას ასეთ ფილმებში და ამას დამამცირებელი უწოდა. „მე ადამიანი ვარ… რობოტი არ ვარ და არც სამეცნიერო ექსპერიმენტი… ის დოკუმენტური ფილმები კი, რომელიც ჩემზე გაკეთებულა, ნაგავია და არაფერი ნაგვის გარდა!!!”
მომღერალს კონკრეტული ფილმები არ დაუსახელებია, თუმცა Hulu-ს Controlling Britney Spears, New York Times-ის Framing Britney Spears და Netflix-ის Britney vs Spears სამი ყველაზე ცნობილი დოკუმენტური ფილმია, რომლებიც სპირსის მეურვეობის დასრულებამდე შეიქმნა.
Რაც შეეხება Fox-ის დოკუმენტურ ფილმს, Britney Spears: The Price Of Freedom ეთერში ორშაბათს, 15 მაისს გავა.
