ყოველწლიური სადღესასწაულო ღონისძიება Paisley Park-ში ბრუნდება. ორგანიზატორები ლეგენდარული მუსიკოსის Prince-ის გამოუქვეყნებელი მუსიკის გაჟღერებას გეგმავენ. ღონისძიება 8-11 ივნისს ჩატარდება, სადაც ცნობილი არტისტები Public Enemy, Chuck D, Chaka Khan, DJ D-Nice, Doug E, Sound of Blackness, და Steeles წარდგებიან.
ფესტივალს Prince-ის საკულტო სტუდია Paisley Park უმასპინძლებს. ღონისძიება Prince Legacy Tribute შოუსაც მოიცავს, რომელიც New Power Generation-ის ერთ-ერთი დამფუძნებლის როზი გრეინის პატივსაცემად გაიმართება.
ფესტივალის ორგანიზატორები ამ დრომდე არ ამჟღავნებენ თუ რომელი გამოუქვეყნებელი ჩანაწერები გაჟღერდება ღონისძიების ფარგლებში. თუმცა წლევანდელი მთავარი თემა რიცხვ შვიდს უკავშირდება. Prince 1958 წლის 7 ივნისს დაიბადა და ამ რიცხვს ხშირად სიმღერებშიც ახსენებდა, ასეთია მაგალითად 1992 წელს გამოცემულ ალბომ Love Symbol-ში შესული სიმღერა 7.
„წელს Prince-ის გარდაცვალებიდან შვიდი წელი სრულდება. მისი უკვდავი შემოქმედება და მემკვიდრეობა მუდმივად ინარჩუნებს მსმენელისთვის აქტუალობას. 2023 წლის ღონისძიებაზე განსაკუთრებული ყურადღება დაეთმობა რიცხვ შვიდს. Prince-თვის ეს კონკრეტული რიცხვი კულტურული მნიშვნელობას ატარებდა და თუ როგორ აისახა მის ისტორიაში რიცხვი 7, ამას ღონისძიებაზე დამსწრე საზოგადოება დეტალურად გაეცნობა.“-ნათქვამია განცხადებაში.
