Rolling Stones-ის სოლისტი მიკ ჯაგერი და მისი მეგობარი გოგონა, მოცეკვავე მელანი ჰემრიკი თავიანთ ფლორიდის სახლს ყიდიან. როგორც განცხადებაში წერია, სახლს ოთხი საძინებელი და 5 სველი წერტილი აქვს და მისი ღირებულება 3.5 მილიონი დოლარია. Რა თქმა უნდა, სახლის ჯაგერთან კავშირი მისი მთავარი უპირატესობაა.
„ყოველთვის არ შეგიძლია მიიღო ის, რაც გინდა, მაგრამ ეს სახლი ნამდვილად ისაა, რაც გჭირდება!” Წერია განცხადებაში, რომელიც Rolling Stones-ის ცნობილი სიმღერის You Can’t Always Get What You Want ტექსტს ციტირებს. სიმღერა მიკ ჯაგერმა და კით რიჩარდსმა დაწერეს.
ჯაგერმა და ჰემრიკმა სახლი 2020 წლის ოქტომბერში 2 მილიონ დოლარად შეიძინეს. ქონება ჰემრიკის სახელზეა გაფორმებული.
Სახლის საცხოვრებელი ფართი ჯამში 529 კვადრატული მეტრს შეადგენს და მოიცავს საცურაო აუზს, სამ აივანსა და სამრეკლოს. ასევე უმაღლესი ხარისხის სამზარეულოს, დისტანციურად მართვად ფანჯრებსა და სახლის დიდ კინოთეატრს.
79 წლის მიკ ჯაგერსა და 36 წლის ჰემრიკს საერთო ვაჟი ჰყავთ – 6 წლის დევერო. Rolling Stones-ის სოლისტი და ყოფილი ბალერინა ერთად 2014 წლიდან არიან.
