პრინცი ჰარი და მეგან მარკლი Spotify-სთან თანამშრომლობას წყვეტენ

კომპანია Archewell-ის და სტრიმინგ სერვისის ოფიციალურ განცხადებაში აღნიშნულია, რომ გადაწყვეტილება ერთობლივია.
ფოტო: მაიკლ ემ სანტიაგო


პრინცი ჰარის და მეგან მარკლის კომპანიამ Spotify-სთან კონტრაქტი გააუქმა. წყვილმა ეს გადაწყვეტილება სტრიმინგ სერვისზე საავტორო პოდკასტის – Archetypes-ის გაშვებიდან ერთ წელზე ნაკლები დროის შემდეგ მიიღო. 

ჯერჯერობით უცნობია მიზეზი, რის გამოც პოდკასტი Spotify-ის პლატფორმას ტოვებს, თუმცა კომპანია Archewell-ის და სტრიმინგ სერვისის ოფიციალურ განცხადებაში აღნიშნულია, რომ გადაწყვეტილება ერთობლივია. 

Archewell-მა Spotify-სთან მრავალწლიანი პარტნიორობის კონტრაქტი 2020 წელს გააფორმა. თანამშრომლობა ექსკლუზიური პოდკასტებისა და შოუების წარმოებას გულისხმობდა. მხარეების თქმით, ეს იქნებოდა პროექტები, რომლებიც აუდიტორიას ამბებს განსხვავებული პერსპექტივით და ხედვით გააცნობდა. 

ჰარისა და მეგანის პოდკასტი საკმაოდ რეიტინგული იყო. ის Spotify-ის ჩარტებში 7 ქვეყნის მასშტაბით ლიდერობდა, მათ შორის იყო შეერთებული შტატები და გაერთიანებული სამეფო. Archetypes-მა 2022 წელს People’s Choice-ზე საუკეთესო პოდკასტის ჯილდოც მიიღო. 

„მიყვარს სამუშაო პროცესი, გვიანობამდე წერა და კრეატიულ იდეებზე მუშაობა. მიყვარს შინაარსობრივი დიალოგი ჩემს სტუმრებთან, სიცილი და მათთან ერთად რაღაც ახლის სწავლა მაშინ, როცა ამ ყველაფერს თქვენ უსმენთ.“ – აღნიშნავდა მეგან მარკლი თავის პოდკასტზე საუბრისას.  

პრემიერიდან დღემდე Archetypes-ს არაერთი ცნობილი სტუმარი ეწვია, მათ შორის: მერაია ქერი, ტრევორ ნოა, მინდი კალიგანი და პერის ჰილტონი. 

Share
Tweet
Share
Share
Share

წინა სტატია

მიკ ჯაგერი და მისი მეგობარი გოგონა ფლორიდაში სახლს ყიდიან

შემდეგი სტატია

ფარელ უილიამსის სადებიუტო მოდის ჩვენებას პარიზში ცნობილი ვარსკვლავები დაესწრნენ

შეიძლება დაგაინტერესოთ

ელტონ ჯონი და ბრენდი კარლაილი ფოტო: პეგი სიროტა

ელტონ ჯონის და  ბრენდი კარლაილის კოლაბორაციული ახალი ალბომი  Who Believes in Angels?

5 აპრილს დუეტი შაბათის ღამის შოუში მუსიკალური სტუმრის სტატუსით წარდგება, მეორე დღეს კი ალბომის აღსანიშნად კონცერტს გამართავენ.
მეტი

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი