შეერთებული შტატების ფედერალურმა საგამოძიებო ბიურომ (FBI) მომღერალ ტეილორ სვიფტის მუსიკალური შემოქმედება საჯარო განცხადების ინსპირაციად აქცია და საზოგადოებას დანაშაულის მხილებისაკენ ორიგინალური ფორმით მოუწოდა.
ფედერალურმა საგამოძიებო ბიურომ სოციალურ ქსელში ტეილორ სვიფტის ალბომის, სახელწოდებით Speak Now (Taylor’s Version) ყდის ინსპირაციით შექმნილი პოსტი გამოაქვეყნა. FBI-ის ვერსიაში სიმღერების სახელწოდებების მაგივრად დანაშაულის სახეობების ჩამონათვალია. ეს სია მოიცავს ისეთ დანაშაულებს, როგორიც არის: ტერორიზმი, კიბერდანაშაული, ორგანიზებული დანაშაული, ფინანსური დანაშაული და ასე შემდეგ.
„მართლმსაჯულება უკეთესია, ვიდრე შურისძიება” – ვკითხულობთ შეერთებული შტატების ფედერალური საგამოძიებო ბიუროს პოსტში. ეს ფრაზა ასევე ამ ალბომში შესული სიმღერის, Better Than Revenge-ის ე.წ. რეფერენსს შეიცავს. აღსანიშნავია, რომ Speak Now (Taylor’s Version) არის ტეილორ სვიფტის უახლესი LP, რომელიც 2010 წლის ალბომის – Speak Now-ის ხელახლა გამოშვებულია ვერსიაა. მომღერალმა LP ახლახან, 2023 წლის 7 ივლისს გამოსცა.
ჯერჯერობით არაფერი მიანიშნებს იამზე, რომ FBI-ის აღნიშნულ კამპანიაში ტეილორ სვიფტიც ჩართულია.
ნახეთ შეერთებული შტატების ფედერალური საგამოძიებო ბიუროს პოსტი:
Justice is better than revenge. You may not be Superman, but you can help the #FBI protect the country. If you have information about a federal crime, speak now. Call 1-800-225-5324 or visit https://t.co/t8G7LO4hxu to submit a tip. pic.twitter.com/kn9QhlNhGx
— FBI Washington Field (@FBIWFO) July 10, 2023
