ჯეიმი ფოქსი ანტისემიტური პოსტის გამო ბოდიშს იხდის

„მე მიყვარს და მხარს ვუჭერ ებრაულ საზოგადოებას. დიდი ბოდიში ყველას, ვინც თავი შეურაცხყოფილად იგრძნო.”
ჯეიმი ფოქსი
Frazer Harrison/Getty Images

ჯეიმი ფოქსი ბოდიშს იხდის სოციალურ ქსელში დაწერილი პოსტისთვის, რომელიც ანტისემიტურად იქნა მიჩნეული. 55 წლის მსახიობმა ინსტაგრამზე დაწერა: „მათ იესო მოკლედ… და როგორ ფიქრობთ, თქვენ რას გაგიკეთებენ??? #fakefriends #fakelove.”

დიდი კრიტიკის ტალღის შემდეგ ფოქსმა კიდევ ერთი პოსტი დაწერა და დააზუსტა, თუ რისი თქმა სურდა აღნიშნული პოსტით. „მინდა, ბოდიში მოვუხადო ებრაულ საზოგადოებას და ყველას, ვინც თავი შეურაცხყოფილად იგრძნო ჩემი პოსტით. ეს არასდროს ყოფილა ჩემი განზრახვა. რომ დავაზუსტო, ერთმა ჩემმა ყალბმა მეგობარმა მიღალატა და სიტყვაში „მათ” მხოლოდ მას ვგულისხმობდი და არაფერ სხვას. მე მხოლოდ სიყვარული მაქვს გულში ყველას მიმართ. მიყვარს და მხარს ვუჭერ ებრაულ საზოგადოებას. დიდ ბოდიშს ვუხდი ყველას, ვისაც შეურაცხყოფა მიადგა. არაფერი, სიყვარულის გარდა. ჯეიმი ფოქსი.”

ფოქსი ამჟამად რეაბილიტაციას გადის მას შემდეგ, რაც ჯანმრთელობის პრობლემების გამო ჰოსპიტალიზაცია დასჭირდა. ცოტა ხნის წინ მსახიობმა თავისი მდგომარეობის შესახებ ემოციურ ვიდეოში ისაუბრა. 

ოსკარის მფლობელი მსახიობის ქალიშვილმა 12 აპრილს განაცხადა, რომ ჯეიმი ფოქსი „სამედიცინო ჩივილების” გამო საავადმყოფოში მოათავსეს. მსახიობის ოჯახს ავადმყოფობის შესახებ დამატებითი ინფორმაცია არ გაუზიარებია.  

Ნახეთ ჯეიმი ფოქსის პოსტი

Share
Tweet
Share
Share
Share

წინა სტატია

შოვში მომხდარ ტრაგედიას ნაილ როჯერსიც ეხმაურება

შემდეგი სტატია

გიორგი გიგაშვილი შოპენის ფესტივალზე გამოსვლას შოვში დაღუპულ ადამიანებს უძღვნის

შეიძლება დაგაინტერესოთ

„ბოლო სეზონი“

ქართული სერიალი „ბოლო სეზონი“ და მისი საუნდტრეკი

„ხმის დიზაინი კინოში ისეთივე მნიშვნელოვანია, როგორც ვიზუალი. ხანდახან ბევრად უფრო მნიშვნელოვანიც. ხმის დიზაინს შეუძლია ერთი და იგივე სცენა ემოციურად რადიკალურად შეცვალოს მაყურებლისთვის.“
მეტი

ოთარ იოსელიანი 89 წლის ასაკში გარდაიცვალა

თავდაპირველად, ოთარ იოსელიანი კონსერვატორიის დამთავრების შემდეგ მოსკოვში, ფიზიკა-მათემატიკის ფაკულტეტზე სწავლობდა, თუმცა როგორც ერთ-ერთ ინტერვიუში თავად იხსენებდა, ერთხელ უნივერსიტეტში…
მეტი

ბიონსეს მამის მემუარები ფილმის სახით გამოვა

ფილმი ნოულზის წიგნის პირველი ნაწილის შესახებ იქნება, სადაც ის საკუთარ გამოცდილებას აღწერს 1960-იანი წლების რასობრივი უთანასწორობის პერიოდში.
მეტი