ბათუმის მე-18 საერთაშორისო კინოფესტივალი გაიხსნა 

ბათუმის საერთაშორისო კინოფესტივალის ჩვენებები ამჯერადაც კინოთეატრ „აპოლოში“ და ღია სივრცეში – ევროპის მოედანზე გაიმართება.

17 სექტემბერს, ბათუმის მე-18 საერთაშორისო კინოფესტივალი (BIAFF) გაიხსნა. ფესტივალი უკვე 17 წელია ტარდება და ქართული სახელოვნებო სფეროსათვის ერთ-ერთ მნიშვნელოვან პლატფორმას წარმოადგენს. BIAFF-ის 2023 წლის პროგრამა მოიცავს როგორც სრულმეტრაჟიან, ასევე მოკლემეტრაჟიან ფილმებს.

 ბათუმის საერთაშორისო კინოფესტივალის ჩვენებები ამჯერადაც კინოთეატრ „აპოლოში“ და ღია სივრცეში – ევროპის მოედანზე გაიმართება. BIAFF-ზე წელს კინომოყვარულები არაერთი ფილმის პრემიერას დაესწრებიან. 

აღსანიშნავია, რომ BIAFF-ზე საპატიო სტუმრის სტატუსით სხვადასხვა წელს იმყოფებოდნენ ისეთი ცნობილი კინორეჟისორები და მსახიობები, როგორებიც არიან: ნასტასია კინსკი (გერმანია) ბელა ტარი (უნგრეთი), ჯოს სტელინგი (ჰოლანდია) და სხვები. კინოფესტივალი თავისი მნიშვნელობიდან გამომდინარე წლების განმავლობაში როგორც ადგილობრივი, ასევე საერთაშორისო მედიის ფოკუსშია.

მასშტაბებით არც 2023 წლის სეზონია გამონაკლისი. კინოფესტივალს მრავალი ავტორიტეტული უცხოელი თუ ქართველი კინემატოგრაფი ეწვევა. BIAFF-ის ფარგლებში ასევე გაიმართება ინდუსტრიული შეხვედრები და ვორქშოპები. 

BIAFF მხატვრულ ფილმების საკონკურსო სექციას ხუთკაციანი საერთაშორისო ჟიური შეაფასებს. ჟიურის შემადგენლობაში არიან: გიორგი ოვაშვილი (საქართველო) – ჟიურის თავმჯდომარე, ანჟეი სლოვიცკი (გერმანია), მეჰმეტ ალი არსლან (თურქეთი), დიანა მარტიროსიანი (სომხეთი) და ნიკა აბრამიშვილი (საქართველო). სექციაში ათი ფილმია წარმოდგენილი. მათ შორის არის ქართველი რეჟისორების ნამუშევრები – ელენე ნავერიანის „შავი შაშვი მაყვალი“ და თინათინ ყაჯრიშვილის „მოქალაქე წმინდანი“. 

„მოქალაქე წმინდანი“

ბათუმის ბათუმის მე-18 საერთაშორისო კინოფესტივალის (BIAFF) სრულ პროგრამას გაეცანით აქ.

BIAFF 2023 ბათუმის კინოფესტივალის კინოსეანსების განრიგის სანახავად ეწვიეთ ბმულს.

Share
Tweet
Share
Share
Share

წინა სტატია

ბრუნო მარსი – მუსიკოსი სხვა სამყაროდან

შემდეგი სტატია

U2 - 2018 წლის 23 ოქტომბერი, ლონდონი

U2-ს ახალი სიმღერის Atomic City-ის დებიუტი შედგა

შეიძლება დაგაინტერესოთ

The Weeknd-მა ხანძრის შედეგად დაზარალებული ლოს-ანჯელესის დასახმარებლად 1 მილიონი დოლარი გაიღო

უფრო ადრე, არტისტმა ლოს-ანჯელესში დაგეგმილი მუსიკალური შოუ გააუქმა და ალბომის გამოცემა გადადო.
მეტი

რეჟისორი დევიდ ლინჩი 78 წლის ასაკში გარდაიცვალა

ლინჩის პროექტები სხვადასხვა დროს Billboard-ის ჩარტებშიც მოხვდა. მან ასევე იმუშავა მუსიკალურ ვიდეოებზე. მათ შორის არის ვიდეოები Nine Inch Nails-ის 2013 წლის ჰიტზე Came Back Haunted და Moby-ს 2009 წლის სიმღერაზე Shot in the Back of the Head.
მეტი

ბობ დილანი ტიკტოკს შეუერთდა

ფანების ყურადღება აპლიკაციაში მუსიკოსის დაგვიანებულმა გამოჩენამ მიიქცია - რამდენიმე დღით ადრე აშშ-ში ტიკტოკის მოსალოდნელ აკრძალვამდე.
მეტი