Doja Cat-მა ახალი ალბომი Scarlet გამოუშვა

საშინელებათა ჟანრის ალბომში შედის სინგლები Paint the Town Red და Attention.
Doja Cat
Jacob Webster

თვეების ლოდინის შემდეგ Doja Cat-მა საბოლოოდ დაპირებული ალბომი გამოსცა. გრემის მფლობელმა მუსიკოსმა მეოთხე სტუდიური ალბომი Scarlet წარადგინა.

Doja-მ ალბომი ივნისში დააანონსა სიმღერით Attention – ჰიპ-ჰოპ კომპოზიციით, რომელიც კარგად წარმოაჩენს მუსიკოსის შესაძლებლობებს რეპში. Სიმღერა Billboard-ის Hot 100-ში 31-ე ადგილზე გავიდა. მისი ვიდეოკლიპი კი 2023 წლის MTV Video Music Awards-ზე 6 ნომინაციაში იყო წარდგენილი, რომლიდანაც ერთი – საუკეთესო არტ რეჟისურის კატეგორია მოიგო.

Attention-ს მალევე მოჰყვა ალბომის პირველი რადიო სინგლი Paint the Town Red, რომელშიც დიონ ვორვიკის სიმღერის Walk On By-ის ბითის სემპლია გამოყენებული. Paint the Town Red Doja-ს მეორე Hot 100-ის ლიდერი სიმღერა გახდა. ამას მოჰყვა პანკ-რეპ კომპოზიცია Demons, შემდეგ კი – Balut.  ალბომის გამოცემამდე ბოლო კვირების განმავლობაში კი აშშ-ის მთავარ ქალაქებში სისხლიანი მანეკენები გამოჩნდნენ, რომლებიც თავად Doja Cat-ს ჰგავდნენ. 

ალბომის მხარდასაჭერად Doja ტურნეში The Scarlet Tour გაემგზავრება. 24 კონცერტისგან შემდგარი ტურნე სტარტს სან-ფრანცისკოში ჰელოუინზე აიღებს და 13 დეკემბერს ჩიკაგოში დასრულდება. ტურნეს Ice Spice და რეპერი Doechii გახსნიან.

Scarlet მოსდევს Doja-ს 2021 წლის ალბომს Planet Her. ალბომი Billboard-ის 200 ალბომის ჩარტში მეორე ადგილზე გავიდა და მასში შედის Hot 100-ის ისეთი ჰიტები, როგორებიცაა Kiss Me More, Woman, Need to Know და სხვები.

მოუსმინეთ Scarlet-ს:

Share
Tweet
Share
Share
Share

წინა სტატია

Yoshimitsu – ნინი ნუცუბიძის და ანამარია ბურდულის კოლაბორაციული ნამუშევარი

შემდეგი სტატია

ბობ დილანმა Farm Aid ფესტივალის მაყურებელი გააოცა 

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი