Cardi B-მ სოციალურ მედიაში ხმაური გამოიწვია, როცა ვიდეო გამოაქვეყნა, სადაც Raising Cane-ის საკვებ სოუსს სახეზე ისვამს – თუმცა, როგორც გაირკვა, ეს პირველი აპრილის ხუმრობა იყო.
პირველ აპრილს Cardi B-მ ინსტაგრამზე ვიდეო გააზიარა და სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
„ყოველთვის მეკითხებიან, როგორ მაქვს კანი ასეთი ლამაზი, მბზინავი და საოცარი – 32 წლის ასაკში, სამი შვილის და სტრესული სამსახურის ფონზე, როცა ღამეების თენებაც მიწევს?“ – ამბობს რეპერი. „აი, ეს დამატენიანებელი კრემი მეხმარება”. – ამ სიტყვებთან ერთად ვარსკვლავი კამერაში Raising Cane-ის საკვებ სოუსს აჩვენებს და სახეზე ისვამს, ბოლოს კი თითებიდან სოუსის ნარჩენებს ილოკავს. „ბოდიში, უბრალოდ ძალიან მშია და ეს დამატენიანებელი ძალიან გემრიელია“, – ამბობს ის. როგორც აღმოჩნდა, ეს უბრალოდ პირველი აპრილის მორიგი ხუმრობა იყო.
ამ პოსტამდე რამდენიმე დღით ადრე Cardi-მ ინსტაგრამზე გამომწერებს გაუმხილა, რომ მისმა ქალიშვილმა მარკერებით გააფერადა მისი Hermés Kelly-ს ნიანგის ტყავის ჩანთა.
„ამ ჩანთაში 60,000 დოლარი გადავიხადეთ,“ – ამბობს Cardi ვიდეოში. „ნახეთ, რა ქნა ჩემმა შვილმა! ნახეთ, რა გაუკეთა ჩემს ჩანთას.”
იხილეთ Cardi B-ის ვიდეო, რომელიც ვარსკვლავმა პირველ აპრილს გამოაქვეყნა:
