Yoshimitsu – ნინი ნუცუბიძის და ანამარია ბურდულის კოლაბორაციული ნამუშევარი

ვიდეოს ავტორი ანამარია ბურდულია.

ნინი ნუცუბიძემ და ანამარია ბურდულმა [Anman] ერთობლივი ტრეკი Yoshimitsu და მასზე შექმნილი ვიდეო წარადგინეს. ვიდეოს ავტორი ანამარია ბურდულია.  

ორივე არტისტს მსმენელი დამოუკიდებელი პროექტებით კარგად იცნობს, მათი კოლაბორაციული ტრეკი კი სპონტანურად შეიქმნა. ტრეკზე მუშაობის პერიოდში ნინი ნუცუბიძე ბერლინში იყო, ანამარია კი თბილისში. 

როგორც ნინი ნუცუბიძე Billboard საქართველოსთან საუბრისას ამბობს, თბილისში ყოფნისას მოისმინა, ანამარია იმპროვიზაციას როგორ ასრულებდა.

ნინი ნუცუბიძე:

“როცა ანამარიამ სიმღერა დაასრულა, ბითის გაკეთება შევთავაზე. ერთმანეთს სოციალური ქსელებით დავეკონტაქტეთ. საბოლოოდ ეს ბითი ისე მომეწონა, რომ კოლაბორაციის გაკეთება გადავწყვიტეთ. სამუშაო პროცესი ძალიან საინტერესო იყო, რადგან მე ბერლინში ვიყავი და ის თბილისში. საბოლოოდ ტრეკი, მთელი თავისი კონცეფციით ექსპერიმენტული გამოვიდა.”

ანამარია ბურდული:

“მე ტრეკებს ძირითადად გაუჩერებელი ამოუსუნთქავი ვოკალის  ფენებით ვავსებ, ნინიმ კი ამ კორიანტელისგან სიმღერის ცვალებადი სტრუქტურა იდეალურად გამოძერწა. ნინიმ “Yoshimitsu finish him!” დასემპლა ვიდეოთამაშიდან Tekken. ეს ირონიული ტექსტი და ვიდეოში გამოხატული ჩვენი პერსონაჟების ინსპირაცია სწორედ ამ ვიდეოთამაშიდან წამოვიდა.” 

როგორც ანამარია აღნიშნავს, მიუხედავად ირონიული ტექსტისა და ვიდეოს ესთეტიკისა, ამგვარი  მუსიკალური “თამაშით” უფრო ენერგიული ხმა და გამბედავი სათქმელი ისმის. 

Share
Tweet
Share
Share
Share

წინა სტატია

ნოდარიკო ხუციშვილი - „ფერადი სიზმრები“

ნოდარიკო ხუციშვილის ახალი სიმღერა და კლიპი „ფერადი სიზმრები“

შემდეგი სტატია

Doja Cat-მა ახალი ალბომი Scarlet გამოუშვა

შეიძლება დაგაინტერესოთ

ჯონ ლაიდენი Sex Pistols-თან გაერთიანებას უარყოფს: „მე ვარ Pistols და არა ისინი”

Sex Pistols-ის ახალი შემადგენლობა, რომლის სოლისტიც ფრენკ კარტერია, სექტემბერში ჩრდილოეთ ამერიკის ტურნეს გამართავს.
მეტი

Something Beautiful – მაილი საირუსი ახალ ალბომს აანონსებს

Billboard Pop Shop Podcast-ის ახალი ეპიზოდის ფარგლებში წამყვანებმა პროექტის პირველ ორ კომპოზიციაზე ისაუბრეს და განიხილეს, თუ რას უნდა ელოდეს მსმენელი ალბომის გამოსვლამდე დარჩენილი ორი თვის განმავლობაში.
მეტი

პირველი აპრილის ვიდეოში Cardi B-მ სახეზე დამატენიანებელი კრემის ნაცვლად Raising Cane-ის სოუსი წაისვა

ვარსკვლავმა სოციალური ქსელების მომხმარებლებს თავისი კანის სილამაზის „საიდუმლო გაუმხილა”.
მეტი