შერის ალბომები და ჰიტები Billboard-ს ჩარტების სათავეებშია და 100 მილიონზე მეტი ჩანაწერი აქვს გაყიდული, თუმცა მომღერალი საკუთარი ხმით აღფრთოვანებული არ არის.
Entertainment Tonight-ში გამოქვეყნებულ ინტერვიუში, შერის ჰკითხეს: მღეროდა თუ არა საკუთარ ჰიტებს სახლში, რაზეც მომღერალმა უპასუხა: „არასოდეს. არ მომწონს ჩემი ხმა, ეს საკუთარ თავთან საუბარს ჰგავს.”
შერის კიდევ ერთი ინტერვიუ ჟურნალ Paper-ში ხუთშაბათს, 26 ოქტომბერს გამოქვეყნდა:
„ჩემი ხმა არც მამაკაცურია და არც ქალური, სადღაც შუაში ვარ. უცნაური სტილი მაქვს.” – მიუხედავად იმისა, რომ შერის ხმა საქვეყნოდ აღიარებული და გამორჩეულია, მომღერლის თქმით შესაძლებლობა რომ ჰქონდა, სხვა მიმართულებით წავიდოდა. „იცით ხალხს მოსწონს ამისთვის მადლობელი და ბედნიერი ვარ, მაგრამ შანსი რომ მქონდეს არჩევანს სიმღერაზე არ გავაკეთებდი. ძალიან მომწონდა დედაჩემის ხმა, მას უფრო რბილი ბგერები ჰქონდა, ჩემი უფრო ძლიერი და განსხვავებულია, თუმცა ვფიქრობ მსგავსება არის.” – უთხრა შერიმ ჟურნალ Paper-ს.
