The Smile ჯგუფ Radiohead-ის ერთგვარი სპინოფია, რომელმაც 2024 წლის 26 იანვარს ალბომი, სახელწოდებით Wall Of Eyes გამოსცა. ამ ჩანაწერით ჯგუფმა წარმატებას მიაღწია და გაერთიანებული სამეფოს მუსიკალურ ჩარტებში ლიდერ პოზიციებზე დაწინაურდა.
The Smile-ს სამი წევრი ჰყავს. მუსიკალური კოლექტივის შემადგენლობაში არიან: ტომ იორკი, ჯონი გრინვუდი და ტომ სკინერი. ბენდი 2020 წელს ჩამოყალიბდა, 2022 წელს კი სადებიუტო ალბომი – A Light For Attracting Attention წარადგინა. ჩანაწერმა გამოცემის შემდეგ მუსიკალურ ჩარტებში მეხუთე ადგილი დაიკავა.
რაც შეეხება Radiohead-ს, ჯგუფი სარეიტინგო მონაცემების მიხედვით ყოველთვის გამოკვეთილი ლიდერი იყო. ალტერნატიული როკის ლეგენდარულმა წარმომადგენელმა ბენდმა, გაერთიანებული სამეფოს მასშტაბით, საუკეთესო ალბომების ჩარტების რეკორდი არაერთხელ მოხსნა.
