ჰარი სტაილსი, Bad Bunny და SZA  მუსიკას Universal Music Group-ის ლეიბლებზე არ წერენ, მაგრამ TikTok-იდან მათი სიმღერები მაინც გაქრება

Პლატფორმიდან UMG-ის ავტორების გასვლა კიდევ უფრო მტკივნეული პროცესი იქნება.
ჰარი სტაილსი
Matt Winkelmeyer/Getty Images

Universal Music Group-ისა და TikTok-ის სალიცენზიო დავაში ყველაზე დიდი დარტყმა არა UMG-ის სუპერვარსკვლავი შემსრულებლების პლატფორმიდან ამოღება, არამედ ავტორების დაკარგვა იქნება.

Universal Music Group-სა და TikTok-ს შორის დადებულ სალიცენზიო ხელშეკრულებას ვადა 31 იანვარს ამოეწურა. ახალ პირობებზე შეუთანხმებლობის გამო კი კომპანიები თანამშრომლობას წყვეტენ, რაც ნიშნავს იმას, რომ TikTok-მა თავისი პლატფორმიდან ყველა ის სიმღერა უნდა ამოიღოს, რომელზე უფლებებიც UMG-ს ეკუთვნის. Რა თქმა უნდა, ისეთი მუსიკოსების დაკარგვა, როგორებიც არიან ტეილორ სვიფტი, დრეიკი, BTS და სხვები, სოციალური მედიის პლატფორმისთვის უკვე დიდი დარტყმაა, თუმცა ეს ყველაფერი არ არის. გარდა Universal Music Group-ის ლეიბლებზე გამოსული მუსიკისა, შეზღუდვა კომპანიის წევრ ავტორებსაც შეეხებათ. ნებისმიერი ჩანაწერი, რომელთანაც კი Universal Music Publishing Group-ში შემავალ ავტორს რაიმე საერთო ჰქონია, ასევე გაქრება პლატფორმიდან მაშინაც კი, თუ ის სულაც არ არის UMG-ის ლეიბლზე ჩაწერილი. ეს კი ნიშნავს იმას, რომ Universal Music Publishing Group-ის ავტორები, როგორებიც არიან, მაგალითად, ჰარი სტაილსი, Bad Bunny და SZA, რომლებიც მუსიკას UMG-ის ლეიბლებზე არ წერენ, TikTok-იდან მაინც გაქრებიან. პრობლემის წინაშე შესაძლოა ის მუსიკოსებიც დადგნენ, რომლებიც UMPG-ის პროდიუსერებთან მუშაობდნენ, როგორებიც არიან Metro Boomin, ჯეკ ანტონოფი და სხვები.

თანამედროვე პოპისა და რეპის ბაზარზე დღეს ავტორთა სიმრავლე იმაზე დიდია, ვიდრე ოდესმე. თითოეული სიმღერის ავტორთა შორის შესაძლოა ერთიდან ოცდაათ ადამიანამდეც კი იყოს მითითებული, მაგალითად, როგორც ეს ტრევის სკოტის Sicko Mode-ის შემთხვევაშია. ტიპურ პოპსიმღერას, რომელიც რადიოში გადის, სულ მცირე 3-4 გამომცემელი ჰყავს. UMPG კი მსოფლიოს ერთ-ერთი ყველაზე დიდი გამომცემელია, რომლის სახელზეც 4 მილიონი საავტორო უფლებაა რეგისტრირებული, რაც იმას ნიშნავს, რომ მისი სიმღერების TikTok-იდან ამოღება აუცილებლად მოახდენს გავლენას ყველა ხმის ჩამწერ სტუდიასა და გამომცემელზე. 2023 წლის მესამე კვარტლის მონაცემებით, Billboard’s Pop Airplay-სა და Hot 100-ის ჩარტების მუსიკის მეხუთედი სწორედ UMPG-ს ეკუთვნოდა. 

არსებობს იმის შანსიც, რომ შექმნილი ვითარება ამ გაზაფხულზე მუსიკის სხვა გამომცემლებზეც გავრცელდეს. რამდენიმე დღის წინ National Music Publishers Association-ის პრეზიდენტმა საუბრის დროს გაამხილა, რომ მისი ორგანიზაციისა და  TikTok-ის სალიცენზიო მოდელი, რომელსაც ბევრი დამოუკიდებელი გამომცემელი იყენებს, აპრილში უნდა განახლდეს. 

NMPA ცნობილია თავისი აგრესიული მიდგომით სოციალური მედიის საიტებთან, თამაშებთან და აპლიკაციებთან სალიცენზიო მოლაპარაკებებისას. ამის მაგალითია ტვიტერის წინააღმდეგ 250-მილიონდოლარიანი სარჩელი სწორედ საავტორო უფლებების დარღვევის საქმეზე. შესაბამისად, არ იქნება გასაკვირი, თუ NMPA-ც UMG-ის გზას გაჰყვება. და თუ ეს მოხდება, მაშინ ყველა დამოუკიდებელი გამომცემელი გადაწყვეტილების წინაშე დადგება:  გადავლენ პირდაპირ მოლაპარაკებაზე TikTok-თან, თუ დატოვებენ პლატფორმას.  

50 სიმღერიდან, რომელიც TikTok Billboard Top 50 ჩარტში შედის, პლატფორმიდან უკვე ამოღებულია 21 მათგანი. თუმცა ჯერჯერობით შეზღუდვა ვრცელდება თავად კომპანიის ლეიბლების ჩანაწერებზე და არა მის გამოცემულ მუსიკაზე. UMPG-ის სიმღერების ამოღება კი ბევრად უფრო რთული იქნება იმის გათვალისწინებით, რომ ხანდახან ერთი სიმღერის რამდენიმე არტისტის მიერ შესრულებული რამდენიმე ჩანაწერი არსებობს.

მონაცემთა ბაზა, სადაც სიმღერების ავტორთა შესახებ ინახება ინფორმაცია, ასევე არასრული ან არასწორია. ზოგ შემთხვევაში მასში ინფორმაცია სიმღერის გამოშვებიდან კვირებისა და თვეების შემდეგაც არ არის შეტანილი, რაც საქმეს კიდევ უფრო ართულებს. 

ამ ეტაპზე არც UMG და არც TikTok უკან დახევას არ აპირებენ. გავრცელებულ განცხადებაში TikTok წერს, რომ Universal Music Group-მა „ავტორებისა და შემსრულებლების ინტერესებზე მაღლა თავისი სიხარბე დააყენა.” UMG-მ კი საპასუხო განცხადება გაავრცელა და მუსიკოსების ანაზღაურებაზე TikTok-ის ხედვას „საშინლად ძველმოდური” უწოდა. ამ დაპირისპირებაში კი TikTok-ის მომხმარებლები ცდილობენ, პლატფორმაზე UMG-ის სიმღერების ამოღებით გამოწვეული სიცარიელე სხვა კომპანიის სიმღერებით ან UMG-ის სიმღერების ქავერებით შეავსონ. 

Share
Tweet
Share
Share
Share

წინა სტატია

წლის ალბომის ნომინაციაში ტეილორ სვიფტმა რეკორდული მეოთხე გამარჯვება მოიპოვა

შემდეგი სტატია

ოპრა უინფრიმ გრემის დაჯილდოების კულისებიდან ტეილორ სვიფტთან და სელინ დიონთან ერთად გადაღებული ვიდეოები გაავრცელა

შეიძლება დაგაინტერესოთ

პატი სმითი ტეილორ სვიფტის ახალ ალბომში მის შესახებ ტექსტს გამოეხმაურა

„შენ არ ხარ დილან თომასი, მე არ ვარ პატი სმითი, ეს არ არის „სასტუმრო ჩელსი”, ჩვენ თანამედროვე სულელები ვართ,” - ასე ჟღერს სიმღერის ტექსტის თარგმანი.
მეტი

OneRepublic – მსოფლიო ჰიტების ავტორი ბენდი Starring Georgia-ს სცენაზე

მსოფლიო მუსიკალურ სცენაზე გამოჩენიდან დღემდე ბენდმა 16 მილიონზე მეტი ჩანაწერი გაყიდა და შეძლო, რომ ყველა ალბომში წარედგინა ისეთი ტრეკი, რომელიც მსოფლიო ჰიტი ხდებოდა.
მეტი
Ninshū- (ლევან ქათამაძე)

ქართველი არტისტის,  Ninshū-ს (ლევან ქათამაძე) ახალი ალბომი   Presence –  ინტერვიუ Billboard საქართველოსთან

„ალბომზე მუშაობა დავიწყე 2023 წლის თებერვალში და, რაც უფრო მეტს ვმუშაობდი მასზე, მით უფრო აშკარა ხდებოდა ალბომის მთავარი სათქმელი და საბოლოოდ ალბომს დაერქვა Presence ანუ აწმყო.“
მეტი

ტეილორ სვიფტმა ვიდეო გამოაქვეყნა, სადაც სახე Post Malone-ის მსგავსი ტატუებით აქვს მოხატული

Fortnight ტეილორ სვიფტის პირველი მუსიკალური ვიდეოა ახალი ალბომიდან სახელწოდებით The Tortured Poets Department.
მეტი

ვაშინგტონის „ამერიკულმა უნივერსიტეტმა” ტეილორ სვიფტთან დაკავშირებული ეკონომიკის კურსი – Swiftonomics წარადგინა

მომღერალთან დაკავშირებული თემატური კურსები უკვე არსებობს ისეთ სახელგანთქმულ უნივერსიტეტებში, როგორებიც არის ჰარვარდი, სტენფორდი და სხვები.
მეტი
Aine Merme

Aine Merme-ს მუსიკალური საღამო

„ახალი EP სულ ოთხი სიმღერისგან შედგება რომელიც მუსიკის ჩემეულ აღქმას ასახვას და ინსტრუმენტული მუსიკის შესაძლებლობებს სხვადასხვა ეპოქის ჟანრების მიჯნაზე იკვლევს.“
მეტი